თბილისის საქალაქო სასამართლოს ყოფილი თავმჯდომარე მამუკა ახვლედიანი იუსტიციის უმაღლესი საბჭოს წევრებს  არაკომპეტენტურობასა და უცოდინრობაში ადანაშაულებს.

როგორც ახვლედიანმა „ექსპრესნიუსს“ განუცხადა, იმ ვითარებაში, როცა  ნიკა გავრამიასთან  საუბრის ჩანაწერის ავთენტურობა დადგენილი არაა, საბჭოს მხრიდან ამ საკითხზე მსჯელობა არასწორია:

„ვცდილობ, არჩევნებამდე არანაირი კომენტარი არ გავაკეთო. ერთს გეტყვით, რომ მათი კომპეტენცია კიდევ ერთხელ გამოჩნდა. მარტივ მაგალითს გეტყვით, სასამართლო პროცესი რომ იყოს და ასე ინტერნეტიდან  ამობეჭდილი რაღაცა მოწმის ჩვენებად მიიღონ, დაახლოებით ამას აკეთებენ.ვინმემ რამე დაადგინა? ეს ის არის, რაზეც ნამდვილად მე ვსაუბრობ, სწორია ყველაფერი, რაც იქ არის?! ამაზე რომ  მსჯელობს წინასარჩევნო პერიოდში, ასე საჩქაროდ, იქნებ დაელოდოს ჯერ რა და როგორ ხდება? აქიდანაც ჩანს მათი  დაინტერესება. უცოდინარი, არაკომპეტენტური ადამიანებისგან შედგება საბჭო. ამ უცოდინარმა ადამიანებმა არც კი იციან, რომ  პირადი საუბრების საკითხზე მსჯელობენ და არავის დაუდგენია, ვინ გაავრცელა, ფაბრიკაციაა, ნამდვილად ასეა? გამოიძიონ“,-განაცხადა მამუკა ახვლედიანმა და დასძინა, რომ თუ მან გვარამიასთან საუბრით მოსამართლეთა კომუნიკაციის შესახებ კანონი დაარღვია, მაშინ ბიძინა ივანიშვილიდან დაწყებული, ბევრ ადამიანთან დაარღვია და ყველა დააჯარიმონ:

 „თუ მე კომუნიკაციის წესი დავარღვიე, მაშინ დავარღვიე დაწყებული ბიძინა ივანიშვილიდან  ყველასთან ამ ქვეყანაში, შესაბამისად, დააჯარიმონ მაშინ ყველა დანარჩენიც. კიდევ რამდენ ავადმყოფურ რამეს  მოიფიქრებენ ნამდვილად არვიცი. მე განვაცხადე რაც ხდებოდა,  რა მაფია მოქმედებს სასამართლო სისტემაში“,-აღნიშნა მამუკა ახვლედიანმა.

ცნობისთვის, გავრცელებულ ჩანაწერებთან დაკავშირებით, იუსტიციის უმაღლეს საბჭოში საგანგებო სხდომა მიმდინარეობს. საბჭოს წევრების შეფასებით,  მამუკა ახვლედიანმა  ეთიკის ყველა წესი დაარღვია და  მოქმედი მოსამართლე რომ ყოფილიყო, მას სასამართლო სისტემიდან გათავისუფლება ელოდებოდა.

საბჭო მიიჩნევს, რომ  კომპეტენტურმა ოგანოებმა სისხლის სამართლის საქმე უნდა აღძრან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა