ცენტრალური საარჩევნო კომისიის თავმჯდომარე თამარ ჟვანიამ დიპლომატიური მისიების  და საერთაშორისო ორგანიზაციების წარმომადგენლებს 2016 წლის 8 ოქტომბრის არჩევნებისთვის განხორციელებულ საქმიანობაზე მიაწოდა ინფორმაცია.

„ჩვენ დღეს წინასაარჩევნო პროცესთან დაკავშირებული ყველა ინფორმაცია სრულად მივაწოდეთ დიპლომატიური კორპუსისწარმომადგენლებს. ამავდროულად, მინდა აღვნიშნო, რომ ყველა ის მიღწევა, რასაც საარჩევნო ადმინისტრაციამ მიაღწია, ასევე არისსაერთაშორისო ორგანიზაციების დამსახურებაც, ვინაიდან საერთაშორისოდ აღიარებული  სტანდარტებისა და კარგი პრაქტიკისმიხედვით საერთაშორისო პარტნიორების მხრიდან ჩვენ ძალიან დიდი დახმარება მივიღეთ“,-აღნიშნა თამარ ჟვანიამ.

პრეზენტაციაზე თამარ ჟვანიამ რამდენიმე მნიშვნელოვან საკითხზე გაამახვილა ყურადღება, მათ შორის, ამომრჩევლებზე, საუბნოსაარჩევნო კომისიებზე, დამკვირვებლებზე, ცესკოს საინფორმაციო კამპანიაზე, ჩართულ მხარეებთან თანამშრომლობაზე, ცესკოსგენდერულ პოლიტიკაზე.

თამარ ჟვანიამ დღესვე შეხვედრის მონაწილეებს შედეგების დათვლის ცენტრი დაათვალიერებინა, საიდანაც 8 ოქტომბერს შედეგებისდათვლის პროცესის ტრანსლაცია განხორციელდება. ცესკოს თავმჯდომარის განცხადებით, ნებისმიერ დაინტერსებულ პირს შეეძლებაინტერნეტის საშუალებით, ონლაინ რეჟიმში, ცესკოს ოფიციალური ვებ-გვერდის და სოციალური ქსელების მეშვეობით დააკვირდესშედეგების დათვლის პროცედურას, ვიდეოგადაღების 360 გრადუსიანი ტექნოლოგიის გამოყენებით ცენტრალურ საარჩევნო კომისიაში.

დიპლომატიური მისიების წარმომადგენლების განცხადებით, დღევანდელ შეხვედრაზე საარჩევნო პროცესებთან დაკავშირებითდეტალური ინფორმაცია მიიღეს.

„მინდა აღვნიშნო, ცესკოს ინიციატივა, მოკლედ მოეწოდებინა ინფორმაცია საარჩევნო მოსამზადებელი აქტივობებისა და ცალკეულიდეტალების შესახებ, იყო ძალიან კარგი იდეა.  ეს ინფორმაცია არ არის საჭირო მხოლოდ დიპლომატიური კორპუსისთვის, არამედსაჭიროა გამჭვირვალობის უზრუნველსაყოფად. ჩვენ დადებითად ვაფასებთ მოსამზადებელ აქტივობებს, რომელიც განხორციელდა  ყველოლქსა და რეგიონში. ველოდებით არჩევნების დღეს და იმ დასკვნებს, რასაც ჩვენი მონიტორინგის ჯგუფები მოამზადებენ. უნდააღვნიშნო, რომ ერთნაირი ყურადღებით დავაკვირდებით როგორც პირველ ტურს, ასევე, დანიშვნის შემთხვევაში, მეორე ტურსაც“, -განაცხადა საქართველოში  ევროსაბჭოს  ოფისის ხელმძღვანელმა კრისტიან ურსემ.

ცენტრალურ საარჩევნო კომისიაში დღეს გამართულ შეხვედრას 20 საელჩოსა და 6 საერთაშორისო ორგანიზაციის წარმომადგენლებიდაესწრნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ