2016-09-23 22:53:56, 2508 ნახვა
მსოფლიო
ეგვიპტის სანაპიროსთან გემის გადაბრუნების შედეგად დაღუპულ მიგრანტთა 148 ცხედარი იპოვეს
ეგვიპტის სანაპიროსთან, გემის ჩაძირვის შედეგად დაღუპული 148 მიგრანტის ცხედარი აღმოაჩინეს, ამის შესახებ ინფორმაციას Associated Press-ი ავრცელებს.
მათივე ინფორმაციით, გემზე კატასტროფის მომენტში 600-მდე მიგრანტი იმყოფებოდა.
პროვინცია ბუჰეირას მთავრობის წარმომადგენლების განცხადებით, სამძებრო ოპერაციები ამ დრომდე გრძელდება და არ არის გამორიცხული, რომ მაშველებმა უფრო მეტი ცხედარი აღმოაჩინონ.
შეგახსენებთ, გემი ოთხშაბათს, ხმელთაშუაზღვაში დასახლებულ პუნქტ ბურგ-რაშიდთან ჩაიძირა. მასში იმყოფებოდნენ მიგრანტები სირიიდან, ეგვიპტიდან და სხვა აფრიკული ქვეყნებიდან.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
