ტაილანდის სამხრეთ პროვინცია იალაში შეიარაღებული თავდასხმის შედეგად 3 პოლიციელი დაიღუპა და 2 დაიჭრა, - ამის შესახებ ინფორმაციას Reuters-ი ადგილობრივ სამართალდამცველებზე ავრცელებს. 

პოლიციის ვიცე-პოლკოვნიკის, ჩამნანა ბჰუტპაკდის განცხადებით, თავდაპირველად დანაღმული ავტომობილი პოლიციის შენობის მახლობლად, გზაზე აფეთქდა. ინციდენტის შედეგად პოლიციის 3 თანამშრომელი ადგილზევე დაიღუპა.

მედია საშუალების ინფორმაციით, მეორე თავდასხმა ავტომობილიდან მოხდა, როდესაც ავტომატური ცეცხლსასროლი იარაღიდან ცეცხლი გახსნეს, რის შედეგადაც 2 სხვა ოფიცერი დაშავდა. ერთ-ერთი მათგანი კრიტიკულ მდგომარეობაშია.

ცნობისთვის, ტაილანდის სამხრეთ პროვინცია იალა ძირითადად მუსლიმებითაა დასახლებული, რომლებიც ექსტრემისტული და სეპარატისტული დაჯგუფებების აქტიური მხარდამჭერები არიან. აღნიშნული დაჯგუფებები თავდასხმებს რეგულარულად ახორციელებენ. მონიტორინგის ჯგუფის Deep South Watch-ის ცნობით, 2004 წლიდან მათ თავდასხმებს 6500-ზე მეტი ადამიანი ემსხვერპლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება