პარლამენტის თავმჯდომარის დავით უსუფაშვილის განცხადებით, საქართველო ყველაფერს გააკეთებს, რათა იყოს თანამონაწილე უსაფრთხოების, კეთილდღეობის, მშვიდობის დასამყარებლად მთელ მსოფლიოში.

ამის შესახებ უსუფაშვილმა ნატო-ს გენერალური მდივნისა და პარლამენტის წევრების შეხვედრაზე განაცხადა.

მისივე თქმით, მომავალი წლის  მაისში საქართველო ნატო-ს საპარლამენტო ასამბლეის სესიას უმასპინძლებს:

„ეს იქნება ნატო-ს არაწევრ სახელმწიფოში ნატო-ს საპარლამენტო მიმართულებით ერთ-ერთი ყველაზე უფრო მნიშვნელოვანი ღონისძიება, რომელიც იქნება გარკვეულწილად გაგრძელება ამ თანამშრომლობის ატმოსფეროში“,-აღნიშნა უსუფაშვილმა.

მან  ჩრდილოატლანტიკურ საბჭოსა და გენერალურ მდივანს მადლობა გადაუხადა, რომ საქართველოში საპარლამენტო არჩევნების  ჩატარებამდე 1 თვით ადრე ჩამობრძანდნენ:

„ეს მნიშვნელოვანია ჩვენთვის, საქართველოს პოლიტიკური პარტიების უმრავლესობისთვის,ვისთვისაც კითხვა დგას არა ასე- კი , თუ არა საქართველოს ნატო-ში ინტეგრაციას, არამედ საკითხი დგას ასე- რომელი გზაა უფრო მოკლე და ეფექტური, რომ საქართველო გახდეს ნატო-ს სრულუფლებიანი წევრი“,-განამარტა პარლამენტის თავმჯდომარემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს