საქართველოს საგარეო საქმეთა მინისტრი მიხეილ ჯანელიძე  აშშ-ს კონგრესში,  კენჭისყრაზე  საქართველოს ტერიტორიული მთლიანობის მხარდამჭერი ორპარტიული რეზოლუციის გასვლის საკითხს გამოეხმაურა.

ჯანელიძის თქმით,  რეზოლუცია  ხაზს უსვამს ამერიკის შეერთებული შტატების მყარ პოზიციას საქართველოს ტერიტორიულ მთლიანობასთან დაკავშირებით.

ჯანელიძე ელის, რომ კონგრესი რეზოლუციას მხარს დაუჭერს:

„ამ რეზოლუციასთან დაკავშირებით ჩვენ ძალიან ბევრი ვიმუშავეთ. რეზოლუციაზე აქტიურად იმუშავა საქართველოს მეგობართა ჯგუფმა ამერიკის კონგრესში, რომელიც გასული წლის შემოდგომაზე შეიქმნა.

მათ მოახდინეს მხარდაჭერის მაქსიმალური მობილიზება, იმისათვის, რომ ეს პირველ რიგში კომიტეტში ყოფილიყო მხარდაჭერილი.

ასევე ჩვენ ველოდებით, რომ რეზოლუცია კონგრესის მხრიდან მხარდაჭერილი იქნება. ეს ძალიან მნიშვნელოვანი რეზოლუციაა, რომელიც ხაზს უსვამს ამერიკის შეერთებული შტატების მყარ პოზიციას საქართველოს ტერიტორიულ მთლიანობასთან დაკავშირებით”,-განაცხადა მიხეილ ჯანელიძემ.

რეზოლუციის კენჭისყრა  აშშ-ს კონგრესში თბილისის დროით 20:00 საათზე  დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს