ექსპერტი პოლიტიკის საკითხებში კახა გოგოლაშვილი საქართველოში ნატო-ს გენერალური მდივნის იენს სტოლტენბერგისა და ჩრდილოატალანტიკური საბჭოს წევრების ვიზიტს აფასებს და აცხადებს, რომ ამ ყველაფერს პოლიტიკური დატვირთვა აქვს.

„საქართველოში ჩრდილო ატლანტიკური საბჭოს სხდომის ჩატარება პრაქტიკულ შედეგს არ იძლევა. ეს არ ნიშნავს, რომ ამის გამო ხვალ ნატო-ში მიგვიღებენ. თუმცა, ეს სხდომა იმის გამოხატულებაა, რომ საქართველო ნატო-ს ძალიან ახლო პარტნიორია. ნატო-ს საბჭოს რომელი ქვეყანაში ჩატარება ნიშნავს, რომ ჩრდილო ატლანტიკური ალიანსი ამ ქვეყანას ახლო პარტნიორად განიხილავს და მასთან მიმართებაში შორსმიმავალი გეგმები აქვს. ნატო-ს ამდენი წარმომადგენელი ტყუილად არც ერთ ქვეყანაში არ ჩავა, თუ რაიმე ჟესტის გამოხატვა არ სურთ. მათ საქართველოში ჩამოსვლასა პოლიტიკური დატვირთვა გააჩნია. გარდა ამისა, ეს ფაქტი იმაზეც მიუთითებს, რომ ქვეყანა სწორი მიმართულებით ვითარდება“, - აცხადებს „ექსპრესნიუსთან“ საუბრისას გოგოლაშვილი.

შეგახსენებთ, რომ 2016 წლის ნატო-ს ვარშავის სამიტზე მიღებული გადაწყვეტილების შესაბამისად, მიმდინარე წლის 7-8 სექტემბერს საქართველოს ჩრდილო-ატლანტიკური საბჭო ეწვევა. დელეგაციას უხელმძღვანელებს ნატოს გენერალური მდივანი იენს სტოლტენბერგი და დელეგაციაში იქნებიან ნატო-ს წევრი ქვეყნების ელჩები.

ჩრდილო-ატლანტიკური საბჭოს ვიზიტი საქართველოში იქნება რიგით მეოთხე, რაც უპრეცედენტო შემთხვევაა საბჭოს პარტნიორ ქვეყნებთან თანამშრომლობის ისტორიაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს