2016-09-07 13:49:20, 670 ნახვა
პოლიტიკა
მანანა კობახიძე: წინასაარჩევნო კამპანიაა, ამიტომ ბევრ დეპუტატს გაუჭირდება პარლამენტში მოსვლა
პარტია „ქართული ოცნების“ წევრის მანანა კობახიძის განცხადებით, ის ამ წუთებში ქუთაისის პარლამენტში მიდის, რათა სხდომას დაესწროს.
„აი, ახლა მე ქუთაისში მივდივარ. ცოტა, ალბათ, შევყოვნდი, რადგან გზის ერთ მონაკვეთზე ინტენსიური მოძრაობა იყო. ცოტა დამაგვიანდება, მაგრამ პარლამენტის სხდომაზე მე ვიქნები. იცით, რომ ახლა აქტიური წინასაარჩევნო კამპანიაა. ძალიან ბევრ მაჟორიტარი დეპუტატობის კანდიდატს შეხვედრები აქვს დანიშნული და ამიტომ, ალბათ, მათ მოსვლა გაუჭირდებათ“, - განუცხადა „ექსპრესნიუსს“ კობახიძემ.
პარლამენტის პლენარული სესია ამ დრომდე არ დაწყებულა.
სხდომა 13:00 საათისთვის იყო ჩანიშნული, თუმცა კვორუმის არ არსებობის გამო, მერვე მოწვევის პარლამენტი პლენარული სხდომის ფორმატში ბოლო შეკრებას ვერ ახერხებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
