"შეხვედრები მქონდა გერმანიასა და სლოვაკეთში, ევროკავშირის წევრი ქვეყნების საგარეო საქმეთა მინისტრებთან და საქართველოს ვიზალიბერალიზაციის საკითხთან დაკავშირებით ერთსულოვნებაა",-ამის შესახებ საგარეო საქმეთა მინისტრმა მიხეილ ჯანელიძემ ჟურნალისტებს განუცხადა.

მინისტრის თქმით, საქართველომ ვიზალიბერალიზაცია რაც შეიძლება მალე უნდა მიიღოს. მისივე განმარტებით, ესაა პროცესები, რომლებიც  მიმდინარეობს და აუცილებლად წარმატებით დასრულდება:

"ლიბეს კომიტეტი დღეს განიხილავს საქართველოს ვიზალიბერალიზაციის საკითხს. ამ კომიტეტში ჩვენი საკითხი განხილული იქნა ივლისში, სადაც პოზიტიური შეფასება დააფიქსირეს საქართველოსთან დაკავშირებით. ყველა განხორციელებული რეფორმით, ასევე იმ ნაბიჯებით, რომელიც გადაიდგა მას შემდეგ, რაც  რეპორტი მომზადდა საქართველოსთან მიმართებაში, ჩვენ გვაქვს პოლიტიკური მხარდაჭერა თთქმის ყველა პოლიტიკური პარტიის მხრიდან. ამიტომ,   ჩვენ ველოდებით, რომ ეს პროცესი გაგრძელდება წარმატებით და საქართველოს მოქალაქეები უფლებას მიიღებენ, მოკლევადიანი ვიზიტით გაემგზავრონ ევროპაში ტურისტული მიზნებისთვის,  ბიზნესის მიზნებისთვის და ეს იქნება ხელშეწყობა სოფლის მეურნებისთვისაც",-განაცხადა მიხეილ ჯანელიძემ.

ევროპარლამენტის ლიბეს კომიტეტი  საქართველოს ვიზალიბერალიზაციის საკითხს კენჭს დღეს უყრის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს