“ცივი ომის” დასრულების შემდეგ პირველად გერმანიის მთავრობა თავდასხმისა ან კატასტროფის შემთხვევისთვის გეგმავს, მოსახლეობას საკვებისა და წყლის მარაგების შექმნისკენ მოუწოდოს, - ამის შესახებ სააგენტო Reuters-ი იუწყება

გერმანიის შინაგან საქმეთა სამინისტრომ შეიმუშავა "სამოქალაქო თავდაცვის კონცეფცია", რომლის განხილვასაც ფედერალური მთავრობა 24 აგვისტოს გეგმავს. 69-გვერდიანი დოკუმენტის თანახმად, მოსახლეობა ვალდებული იქნება, იქონიოს საკვების 10 დღის და სასმელი წყლის ხუთი დღის მარაგი. ასევე დოკუმენტში აღნიშნულია სიგნალიზაციის საიმედო სისტემის, შენობების გამაგრებისა და ჯანდაცვის სისტემის ნორმალური ფუნქციონირების მნიშვნელობა.

"სამოქალაქო თავდაცვის სტრატეგიაში" აღნიშნულია, რომ გერმანიაზე თავდასხმის ალბათობა მცირეა, თუმცა უსაფრთხოების ზომებიდან გამომდინარე საჭიროა, ისეთი სცენარების გათვალისწინება, რომელთა გამორიცხვა მომავალში შეუძლებელია.

დოკუმენტის ავტორები მიიჩნევენ, რომ ამ სფეროში ამჟამად მოქმედი მექანიზმი არადამაკმაყოფილებელია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა