ქუმსიშვილი: ლარის კურსთან დაკავშირებით ხელოვნური ჩარევა არ ხდება

2016-08-03 11:51:23, 1206 ნახვა

ეკონომიკა

„ლარის კურსი მოთხოვნა-მიწოდებიდან გამომდინარე დგება“, - ასე უპასუხა პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა ჟურნალისტის კითხვას, - „ვიზიტორების რეკორდული რაოდენობის მიუხედავად, რატომ არის ლარის კურსი კვლავ მაღალ ნიშნულზე.“

ქუმსიშვილის თქმით, ლარის კურსთან დაკავშირებით ხელოვნური ჩარევა არ ხდება.

„ლარის კურსი დგება მოთხოვნა-მიწოდებიდან გამომდინარე, შესაბამისად მოთხოვნა-მიწოდება ადგენს ლარის კურსს. ხელოვნური ჩარევა არ ხდება“,-განაცხადა მინისტრმა.

ცნობისთვის, ეროვნული ბანკის მიერ დადგენილი ლარის ახალი ოფიციალური გაცვლითი კურსის თანახმად, 1 დოლარი დღეს, 2.3484 ლარი ღირს. რაც შეეხება ევროს, დღევანდელი კურსით, მისი შეძენა 2.6288 ლარად არის შესაძლებელი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან