თურქეთში სამხედო გადატრიალების გეგმა ჩაიშალა, - ამის შესახებ ინფორმაცია თურქეთის სადაზვერვო სამსახურმა დაადასტურა. 

ამ დროისთვის არსებული ინფორმაციით, შეტაკებების შედეგად 194 ადამიანი გარდაიცვალა, 1 440 კი დაშავდა. სტამბოლსა და ანკარაში სროლის ხმა ამ დრომდე ისმის.

თურქეთის პრემიერ-მინისტრის ბინალი ილდირიმის განცხადებით, 2 839 ამბოხებული სამხედრო უკვე დაკავებულია. ამასთან, ცნობილია, რომ თურქეთის საკონსტიტუციო საბჭო შეიკრიბება და სიკვდილით დასჯის აღდგენის საკითხზე იმსჯელებს.

გარდა ამისა, სოციალურ ქსელ Twitter-ში ჰეშტეგის #idamistiyorum (მე მინდა სიკვდილით დასჯა) პოპულარობა დიდი სისწრაფით იზრდება. აღნიშნული ჰეშტეგი Twitter-ის მომხმარებლებმა უკვე 55 000-ჯერ გამოიყენეს. თურქეთის მოქალაქეები ამბოხების მომწყობთა სიკვდილით დასჯას ითხოვენ.

მედიის ცნობით, თურქეთში სამხედრო გადატრიალების 8 მონაწილე სამხედრო შვეულმფრენით საბერძნეთში გადაფრინდა და იქ პოლიტიკური თავშესაფარი ითხოვა. საბერძნეთის სამართალდამცველებმა კი საზღვრის უკანონო ქვეთის გამო დააპატიმრეს. 

ცნობისთვის, თურქეთის პრეზიდენტი რეჯეპ ტაიპ ერდოღანი სტამბოლის ერთ-ერთ რაიონში მხარდამჭერებს შეხვდა და მოსახლეობას კვლავ ქუჩებში გამოსვლისკენ მოუწოდა. თურქეთის პრეზიდენტის თქმით, "გადატრიალების მცდელობები შესაძლოა, განმეორდეს".

ქვეყანაში ვითარებას ხელისუფლება სრულად აკონტროლებს.

შეგახსენებთ, რომ თურქეთში სამხედრო გადატრიალება გუშინ საღამოს დაიწყო. მეამბოხებმა ქალაქის 2 მთავარი ხიდი და ათათურქის სახელობის საერთაშორისო აეროპორტი დაიკავეს. 

მედიის ცნობით, თურქეთის ხელისუფლება ქვეყანაში სამხედრო გადატრიალების მცდელობაში აშშ-ში მცხოვრები მუსულმანი ღვთისმსახურის ფეთჰულა გიულენის მხარდამჭერებს ადანაშაულებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო

კობახიძე მიესალმება აშშ-ირანის სამშვიდობო შეთანხმებას