კომპანია "ატლასგლობალის" რეისზე, რომელიც სტამბულის ათათურქის სახელობის აეროპორტიდან თბილისის მმიმართულებით უნდა განხორციელებულიყო გადაიდო. 

როგორც "ექსპრესნიუსს" კომპანიის წარმომადგენლობაში განუცხადეს, 126 - მა მგზავრმა რეგისტრაცია გაიარა. სულ დარეგისტრირებული იყო 141 ადამიანი. 

"აეროპორტში აფეთქების დროს, ჩვენი კომპანიის მგზავრები იყვნენ აეროპორტში. ვიცით, რომ მგზავრები ავტობუსებში მოათავსეს და აფეთქებაც მაშინ  მოხდა, როცა ისინი თვითმფრინავთან მიდიოდნენ. დანარჩენების შესახებ, ცნობა არ გვაქვს. სულ რეგისტრაცია უნდა გაერა 141 მგზავრს,  მაგრამ არ არის დაზუსტებული რა მიზნით არ გამოცხადნენ მოქალაქეები სარეგისტრაციო ადგილზე.  შესაძლოა მგზავრებმა ან გადადეს ფრენა ან არ გამოცხადნენ დანიშნულ დროს" - განუცხადა "ექსპრესნიუსს" კომპანია "ატლასგლობალის" წარმომადგენელმა.

თბილისის მიმართულებით რეისი დაგეგმილი იყო 23:05 საათზე.

კომპანიის წარმომადგენლებმა საქართველოს საკონსულოს სტამბულში და ასევე საქართველოს საელჩოს ანკარაში მიაწოდეს ინფორმაცია იმის შესახებ, რომ 15 მგზავრი არ გამოცხადდა, რეისზე. ქართველი დიპლომატები არკვევენ რა მიზეზით არ გამოცხადნენ საქართველოში მომავალი მოქალაქეები.

სტამბოლის ათათურქის სახელობის საერთაშორისო აეროპორტში ორ აფეთქებას, პირველადი მონაცემებით 10 ადამიანის სიცოცხლე ემსხვერპლა. დაშავებულია 52 ადამიანი - აღნისნული ინფორმაცია უკვე დაადასტურა სტამბულის პოლიციამ.

თვითმხილველების განცხადებით, ტერორისტი მათი მიმართულებით ისროდა, შემდგომ კი თავი აიფეთქა. თურქეთის შინაგან საქმეთა სამინისტროს ცნობით, შემთხვევის შედეგად უამრავი ადამიანი მძიმედ დაშავდა, დაუდასტურებელი ინფორმაციით, დაიღუპა 10 და დაშავდა 54 ადამიანი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა