ნიდერლანდების მიგრაციის მინისტრის, კლაას დიკჰოფის განცხადებით, ევროკავშირის შინაგან საქმეტა მინისტრთა საბჭოს დღევანდელ შეხვედრაზე საქართველოს ვიზალიბერალიზაციის საკითხზე გადაწყვეტილების მიღება მოსალოდნელი არ არის.

დიკჰოფის განმარტებით, რამდენიმე ქვეყანა საქართველოსთვის უვიზო რეჟიმის დაწესების წინააღმდეგია.

“არ ვფიქრობ, რომ დღეს გადაწყვეტილება გვექნება, ეს ნათელი გახდა ამ კვირაში. რამდენიმე ქვეყანა კვლავ წინააღმდეგია და მათ უნდა ჰქონდეთ საშუალება, თავისი მოსაზრება კოლეგებს გაუზიარონ, რათა ვიმსჯელოთ, როგორ შეიძლება ამ წინააღმდეგობის გადაწყვეტა. ჩვენ როგორც თავმჯდომარე ქვეყანა ყველაფერს ვაკეთებთ, რომ ეს დაბრკოლებები გადავლახოთ”, - კლაას დიკჰოფმა.

მიგრაციის მინისტრმა, ე.წ. შეჩერების მექანიზმთან დაკავშირებით შეთანხმების მიღწევას წინ გადადგმული ნაბიჯი უწოდა.

“ვფიქრობ, წინ გადადგმული დიდი ნაბიჯი იყო, როდესაც შევთანხმდით  შეჩერების მექანიზმზე, რომელიც ამოქმედდება იმ შემთხვევაში, თუკი ვიზალიბერალიზაციის ამოქმედების შემდეგ რამე პრობლემა წარმოიქმნება. ვფიქრობ ეს მნიშვნელოვანი ნაბიჯი იყო”, - განაცხადა დიკჰოფმა.

აღსანიშნავია, რომ დიკჰოფმა არ დააკონკრეტა, თუ რომელი ქვეყნები და რა მიზეზით საქართველოს ვიზალიბერალიზაციის წინააღმდეგი არიან.

“მე, როგორც თავმჯდომარე ქვეყნის წარმომადგენელმა, შემიძლია, მხოლოდ დავასკვნა, რომ დღეს გადაწყვეტილების მისაღებად ამ საკითხს საჭირო მხარდაჭერა არ აქვს”, - განაცხადა ნიდერლანდების მიგრაციის მინისტრმა.

ცნობისთვის, აღნიშნული განცხადება დიკჰოფმა ლუქსემბურგში ევროკავშირის შინაგან საქმეთა მინისტრების საბჭოს დაწყებამდე გააკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს