პრემიერ-მინისტრ  გიორგი კვირიკაშვილის განცხადებით, მისთვის   კატეგორიულად მიუღებელია ის შეურაცხყოფა, რომელსაც "რუსთავი 2"-ის გენერალური დირექტორი სასამართლოს და ინსტიტუციებს აყენებს.

"იმაზე აღარ ვლაპარაკობ, რას ამბობს იგი პრემიერ-მინისტრის მისამართით. ჩვენ თავისუფალი ქვეყანა გვაქვს და ყველაფერი შეიძლება, მაგრამ მეორეს მხრივ მოსახლეობა ამას უყურებს. ადამიანი, რომელსაც დღეს ნამდვილად არ უნდა ჰქონდეს საუბრის ასეთი "გონორი", ადამიანი, რომელიც იყო ერთ-ერთი იმ ყველაფრის შემოქმედი, რაც 2007 წელს ხდებოდა, სამწუხაროდ, ასე საუბრობს", - განაცხადა პრემიერმა.

შგახსენებთ, დღეს  "რუსთავი 2"-ის გენერალურმა  დირექტორმა ნიკა გვარამიამ საქართველოს პრეზიდენტს, პარლამენტის თავმჯომარეს და სახალხო დამცველს მიმართა, კონსტიტუციური ვალდებულება შეასრულონ.

ამასთან, გვარამიამ აღნიშნა, რომ პრემიერისთვის მიმართვას აზრი არ აქვს, რადგან "პერიოდულად  ავიწყდებათ კიდეც, ის საერთოდ არსებობს თუ არა"

აღნიშნული განცხადება გვარამიამ სააპელაციო სასამართლოში გააკეთა, სადაც დილიდან მოსამართლე თამაზ ურთმელიძის 2015 წლის 3 ნოემბრის გადაწყვეტილებასთან დაკავშირებით,  სააპელაციო საჩივარი განიხილება.  ურთმელიძის გადაწყვეტილებით,  ტელეკომპანიის  წილის 100%  ბიზნესმენ ქიბარ ხალვაშს გადაეცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს