ხონში, აშშ-ს საერთაშორისო განვითარების სააგენტოს (USAID) მუნიციპალური ინფრასტრუქტურისა და დევნილთა გრძელვადიანი განსახლების $52 მილიონიანი  პროგრამის დახურვის ცერემონია გაიმართა.

როგორც „ექსპრესნიუსს“ ლტოლვილთა და განსახლების სამინისტროდან აცნობეს, ღონისძიებას დევნილთა და განსახლების მინისტრი სოზარ სუბარი, USAID-ის  მისიის დირექტორი დაგლას ბოლი, რეგიონული განვითარებისა და ინფრასტრუქტურის მინისტრის პირველი მოადგილე ილია დარჩიაშვილი და საქართველოს მუნიციპალური განვითარების ფონდის აღმასრულებელი დირექტორი ჯუანშერ ბურჭულაძე დაესწრნენ.

უწყების ინფორმაციით, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ, მთავრობის დადგენილებით, ხონის დევნილთა ჩასახლებაში მცხოვრებ 450 ოჯახს საცხოვრებელი ფართები საკუთრებაში გადასცა.

დაკანონების პროცესის პარალელურად, 2015 წელს ენერგეტიკის სამინისტრომ ხონის ჩასახლებაში არსებული კორპუსების სრული გაზიფიცირება მოახდინა. USAID-ის დახმარებით   კი, ყველა ოჯახში გაზის გამათბობელი დამონტაჟდა.

გარდა ამისა, დასახლებაში აშენდა სპორტული და  სათამაშო მოედნები ბავშვებისათვის.

USAID-ის პროგრამის დახურვის ცერემონიაზე  ხონის და კოპიტნარის დევნილთა ცენტრების ახალგაზრდებს შორის  ფეხბურთში ამხანაგური შეხვედრა გაიმართა.

ბოლო 5 წლის განმავლობაში, დევნილთა გრძელვადიანი განსახლების პროგრამის ფარგლებში, USAID-ის მისიის  დაფინანსებით,     მუნიციპალური განვითარების ფონდის    მიერ აშენდა და რეაბილიტაცია ჩაუტარდა არაერთ ობიექტს. სწორედ ასეთი თანამშრომლობის შედეგად მნიშვნელოვნად გაუმჯობესდა 40 000 იძულებით გადაადგილებული პირის საცხოვრებელი პირობები;  17 ყოფილი საავადმყოფო გადაკეთდა სრულად უზრუნველყოფილ საცხოვრებელ ბინად; გაუმჯობესდა საცხოვრებელი პირობები  საქართველოს სხვადასხვა რეგიონში იძულებით გადაადგილებულ პირთა 22 კოლექტიურ ცენტრში;  ქართლსა და მცხეთა-მთიანეთის რეგიონებში აშენდა და რეაბილიტირებულ იქნა სანიტარული ინფრასტრუქტურა იძულებით გადაადგილებულ პირთა 10 დასახლებაში;  რეაბილიტაცია ჩაუტარდა მცხეთის, დუშეთის, გორის, ქარელისა და ონის 25 კილომეტრიან გზას. აშენდა ონის წყლის სათავე ნაგებობა და განხორციელდა 32 კილომეტრიანი სარწყავი არხის სრული რეაბილიტაცია შიდა ქართლში.

აღნიშნული სამუშაოების შესასრულებლად USAID-ის მისიის  მიერ  52 მილიონი დოლარი გაიხარჯა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი