წინასაარჩევნო კამპანიის დაწყების თარიღზე გადაწყვეტილება ურთიერთშეთანხმების შედეგად იქნება მიღებული, - ამის შესახებ ვიცე-პრემიერმა, ენერგეტიკის მინისტრმა კახა კალაძემ ჟურნალისტებს განუცხადა.

როგორც კალაძემ აღნიშნა, წინასაარჩევნო კამპანიისთვის 3 თვე აბსოლუტურად საკმარისია. ამასთან, მისთვის აღნიშნულ საკითხზე პრეზიდენტის განცხადებებები გაუგებარია.

„პრემიერმა მთავრობის სხდომაზე ძალიან კარგი განმარტებები გააკეთა, თუმცა პრეზიდენტმა, სრულიად გაუგებარი განცხადებები გააკეთა საარჩევნო კამპანიის დაწყებასთან დაკავშირებით. ამას მარტო პრეზიდენტი ვერ წყვეტს, ეს ხდება ურთიერთშეთანხმების შედეგად და შესაბამისად, იქნება მიღებული გადაწყვეტილება, რომ წინასაარჩევნო კამპანია 8 ივლისიდან დაიწყოს. იმისთვის, რომ საარჩევნო კამპანია ყველა პოლიტიკურმა პარტიამ სრულყოფილად ჩაატაროს, 3 თვე აბსოლუტურად საკმარისია “, - აღნიშნა ვიცე-პრემიერმა.

რაც შეეხება კითხვას, ხედავს თუ არა დაპირისპირებას პრემიერსა და პრეზიდენტს შორის, კალაძემ აღნიშნა, რომ დაპირისპირება არ არსებობს.

„ვერანაირ დაპირისპირებას ვერ ვხედავ. შეიძლება იყო გაუგებრობა და ჩვენი მხრიდან არასწორად იყო ინფორმაციები მიწოდებული, თუმცა გუშინ პრემიერმა ამას ხაზი გაუსვა. ხდება ხოლმე გაუგებრობა, შეცდომა, ეს ნორმალურია, თუმცა ეს არ უნდა გადავაქციოთ პოლიტიკურ თამაშად და ჯიბრში ჩადგომად“, - განაცხადა კახა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი