სოფლის მეურნეობის სამეცნიერო-კვლევითი ცენტრი გაეროს სურსათისა და სოფლის მეურნეობის ორგანიზაციასთან (FAO) ერთად აგრძელებს  საქართველოში თესლისა და სარგავი მასალების სერთიფიცირების სისტემის დანერგვისთვის საჭირო ღონისძიებებს.

როგორც "ექსპრესნიუსს" სოფლის მეურნეობის სამინისტროდან აცნობეს, სერთიფიცირების სისტემის დანერგვის მიზანია საქართველოში თესლისა და სარგავი მასალების წარმოების განვითარება, რაც ხელს შეუწყობს ქართველ ფერმერებს აწარმოონ ხარისხიანი პროდუქცია.

მათივე ინფორმაციით, აღნიშნული სისტემის შესახებ ინფორმაციის გასაცნობად  სოფლის მეურნეობის სამეცნიერო-კვლევითი ცენტრის თესლისა და სარგავი მასალის სტანდარტებისა და სერთიფიცირების სამსახურის უფროსი ნოდარ ხატიაშვილი ხორბლის მწარმოებელ ფერმერებს დედოფლისწყაროში შეხვდა. 

შეხვედრაზე ადგილობრივმა ფერმერებმა ინფორმაცია მიიღეს სერთიფიცირებასთან დაკავშირებულ საკითხებსა და  მაღალხარისხიანი თესლის წარმოების საერთაშორისო სტანდარტებზე.

დაინტერესებულ ფერმერებს შესაძლებლობა აქვთ დარეგისტრირდნენ სამეცნიერო-კვლევით ცენტრში. ცენტრის თანამშრომლები  კონსულტაციას გაუწევენ და   დაეხმარებიან, რომ მათი პროდუქცია  საერთაშორისო სტანდარტების შესაბამისად იყოს წარმოებული. რაც შესაძლებლობას მისცემთ პროდუქციის რეალიზება მოახდინონ  საექსპორტო ბაზრებზე. 
 
სათესლე მასალის სერტიფიცირების სისტემის დანერგვა მიმდინარეობს პროგრამა  „საქართველოს სოფლის მეურნეობის სამინისტროს შესაძლებლობების განვითარება“-ის ფარგლებში, FAO-ს ტექნიკური მხარდაჭერითა და ავსტრიის განვითარების სააგენტოს (ADC) დაფინანსებით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით