2016-04-09 12:55:59, 563 ნახვა
საზოგადოება
სამების ტაძარში ბაბუშერას აეროპორტში დაღუპული მებრძოლების სამოქალაქო პანაშვიდი მიმდინარეობს
სამების საკათედრო ტაძარში ბაბუშერას ტრაგედიის დროს დაღუპულთა სამოქალაქო პანაშვიდი მიმდინარეობს.
აფხაზეთის ომის დროს ბაბუშერას აეროპორტში თვითმფრინავის აფეთქებისას დაღუპული 12 მებრძოლის ცხედარი ლევან სამხარაულის სახელობის ექსპერტიზის ეროვნული ბიუროდან სამების ტაძარში გუშინ გადაასვენეს. მათ დღეს დიღმის ძმათა სასაფლაოზე სამხედრო პატივით დაკრძალავენ.
ცნობისთვის, ბაბუშერას სამარხიდან გადმოსვენებული ნეშტების იდენტიფიცირების პროცესი დასრულებულია. თვითმფრინავის აფეთქებისას დაღუპული 43-ვე მებრძოლი იდენტიფიცირებულია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
