აშშ-ის შინაგანი უსაფრთხოების დეპარტამენტმა (DHS) შეცვალა უცხოელი ჟურნალისტების, სტუდენტებისა და გაცვლითი პროგრამის მონაწილეებისთვის ვიზების მიღების წესები, რაც მათ ქვეყანაში ყოფნას განსაზღვრული ვადით ზღუდავს. ამის შესახებ განცხადება დეპარტამენტის მიერ ფედერალურ რეესტრში (აშშ-ის მთავრობის ოფიციალური დოკუმენტების კრებული) გამოქვეყნებულ შეტყობინებაში გახდა ცნობილი.

დოკუმენტის თანახმად, აშშ-ის ხელისუფლება მიიჩნევს, რომ წესის ცვლილება მათ „დამატებით დაცვას და უფრო მეტ ზედამხედველობას“ მისცემს და „შესაძლებელს გახდის უფრო საფუძვლიანი მონიტორინგის ჩატარებას იმის შესახებ, ინარჩუნებენ თუ არა ამ არაიმიგრანტული ვიზების მფლობელები თავიანთ სტატუსს შეერთებულ შტატებში დროებითი ყოფნის დროს“.

უცხოელი ჟურნალისტები, სტუდენტები და გაცვლითი პროგრამის მონაწილეები შესაბამისად იღებენ I, F და J ვიზებს. წინა წესების თანახმად, ეს ვიზები საშუალებას აძლევს პირს დარჩეს აშშ-ში მანამ, სანამ მათი შესვლის მიზნები და პირობები დაკმაყოფილებულია, მაგალითად, სანამ პირი აგრძელებს მუშაობას უცხოურ მედიასაშუალებაში ან სწავლას აშშ-ის უნივერსიტეტში. აქამდე, ამ ვიზებს, უმეტეს შემთხვევაში, არ ჰქონდათ ფიქსირებული მოქმედების ვადა.

ახალი წესის თანახმად, უცხოელ ჟურნალისტებს შეეძლებათ შეერთებულ შტატებში შესვლა სამუშაოდ მაქსიმუმ 240 დღის განმავლობაში, საჭიროების შემთხვევაში, ყოფნის გახანგრძლივების შესაძლებლობით. ჩინეთის მოქალაქეებისთვის შემოთავაზებული შეზღუდვა 90 დღეა. საერთაშორისო სტუდენტებს და გაცვლით პროგრამებზე მომუშავე ვიზიტორებს ქვეყანაში დარჩენა სწავლის ან გაცვლითი პროგრამის მთელი პერიოდის განმავლობაში შეეძლებათ, მაგრამ არა უმეტეს ოთხი წლისა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთის ახალი პრემიერ-მინისტრი ზელენსკის შეხვდა და მას „100%-იანი“ მხარდაჭერა გამოუცხადა

როგორც მოსკოვში - თეთრი ფურცლის დაჭერისთვის პოლიციამ აქტივისტი ნოდარი წიწარიშვილი დააკავა

საქართველოს ეროვნული ბანკი: ბანკები „თელასის“ ლარში მომსახურებას გააგრძელებენ

BOG-ის გზავნილების გათამაშება დაიწყო - მოიგე 1 000₾ ყოველდღე ან 10 000₾ სუპერპრიზი