საქართველოს თავდაცვის მინისტრის მოადგილე ანა დოლიძე ევროკავშირის წარმომადგენლობის უფროსის მოადგილეს, საგანგებო და სრულუფლებიან დესპანს საქართველოში კარლო ნატალეს შეხვდა. შეხვედრის მთავარ თემას ცენტრალური აფრიკის რესპუბლიკაში დაგეგმილი საგამოძიებო ღონისძიებები წარმოადგენდა.

„თავდაცვის სამინისტროსთვის ძალიან მნიშვნელოვანია, რომ ეფექტურად და სწრაფად გამოვიძიოთ ის ბრალდებები, რომლებიც ცენტრალური აფრიკის რესპუბლიკაში მყოფ ჩვენს სამხედრო მოსამსახურეებს წაუყენეს. შესაბამისად, ჩვენ ვაწარმოებთ აქტიურ კომუნიკაციას სხვადასხვა უწყებებთან, პირველ რიგში, ევროკავშირის მისიასთან საქართველოში, რადგან, სწორედ, ევროკავშირის ფარგლებში იყო ეს სამხედრო მისია წარმართული. შესაბამისად, ამ შეხვედრაზე განვიხილეთ, რას აკეთებს თავდაცვის სამინისტრო, რა ნაბიჯები გადაიდგა და რა ნაბიჯები იქნება გადადგმული. ასევე ვისაუბრეთ დახმარებაზე, რომელიც შეუძლია ევროკავშირს შემოგვთავაზოს იმისათვის, რომ ჩვენს ყველა კითხვას მართებულად და სწრაფად გავცეთ პასუხი“,- აღნიშნა ანა დოლიძემ.

ცენტრალური აფრიკის რესპუბლიკაში საგამოძიებო ჯგუფი უახლოეს პერიოდში გაემგზავრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა