არაბულ კომპანიასთან გაფორმებული ხელშეკრულების გამო, "ქართულ ოცნებას" სასამართლოში უჩივლებენ. 

კრწანისის ტყე-პარკის და გონიოს დაცვის საორგანიზაციო ჯგუფმა საზოგადოებას განცხადებით აცნობა, რომ სარჩელზე მუშაობა აქტიურ ფაზაშია შესული და მოუწოდა 2 მაისს, დღის 12:00 საათზე კრწანისის ტყე-პარკში დალაგების აქციისთვის გავიდნენ. 

"ქართულმა ოცნებამ" და არაბულმა კომპანიამ გამოაცხადეს, რომ უკვე გაყიდულია 300-ზე მეტი ბინა, ეს კი იმ პირობებსი, როდესაც მშენებლობის ნებართვაც კი არ არის ჯერ გაცემული, ეს ფაქტი პროექტის გასაიდუმლოებასთან ერთად აღრმავებს კორუფციულ ვარაუდებს. 

გონიოსა და კრწანისის ტერიტორია ეკუთვნის ქართველ ხალხს და არა რომელიმე პარტიას, ან ერთ კონკრეტულ პიროვნებას. სწორედ ამიტომ 2 მაისს, დღის 12:00 საათზე გეპატიჟებით საერთო გასვლაზე კრწანისის ტყე-პარკში დალაგების აქციისთვის," - განაცხადა საორგანიზაციო ჯგუფმა. 

ფინანსისტი, ნიკოლოზ შურღაია ამბობს, რომ აღნიშნულ პროექტში არავიტარი ინვესტიცია არ იკვეთება. 

პროექტის ნიშნებიდანაც გამომდინარეობს, რომ ყველაფერი რაც ბრწყინავს ოქრო არ არის. აქ არ ჩანს რეალურად არავითარი ინვესტიცია, ან ძალიან მცირე ინვესტიცია, უფრო არის წინასწარ ჩვენი მიწის მიღების და შემდგომში მისი გაყიდვით ფულის შოვნის სურვილი და ამასობაში ქართველი ერის ინტერესი ან დაკარგულია, ან საერთოდ გათელილი," - ამბობს ნიკოლოზ შურღაია. 

ინიციატივა "ჯერ საქართველოს" დამფუძნებელის, ვიქტორ ყიფიანის განცხადებით, ეს სასაარჩელო მტხოვნა მარტივი არ იქნება, იმ პირობებში, რასაც ქართული მასრთლმსაჯულება დღეს წარმოადგენს.

ჩვენ ვეცდებით დავასაბუთოთ, რომ საჯარო სიკეთე ბევრად უფრო მეტია, ვიდრე კონკრეტული მხარის კომერციული საიდუმლოება და მისი ინტერესი. საკითხი დამუშავების ეტაპზეა, ბუნებრივია ეს არ იქნება მარტივი სასარჩელო მოთხოვნა მით უმეტეს იმ პირობებში, რასაც ქართული მასრთლმსაჯულება დღეს წარმოადგენს," - თქვა ვიქტორ ყიფიანმა. 

ქართული რეპუბლიკის თანადამფუძნებელი, აღნიშნავს, რომ "ოცნების" ყოფილი მაღალჩინოსნები "ამ რეჟიმის პირობებშიც კორუფციაზე ზის ციხეში", ხოლო Eagle Hills-ი ცნობილია თავისი სკანდალური პროექტებით, შესაბამისად, გიორგი თავართქილაძის თქმით, "ქართულ ოცნებას" გასაჯაროებული ხელშეკრულება არ აწყობს. 

იქიდან გამომდინარე, რომ "ქართული ოცნების" პრემიერი, თავდაცვის მინისტრი და უამრავი მაღალი თანამდებობის პირი უკვე ამ რეჟიმის პირობებშიც კორუფციაზე ზის ციხეში და იმის გათვალისწინებით, რომ ეს Eagle Hills-ი ცნობილია თავისი სკანდალური პროექტებით, ეს ორივე ერთად კიდევ ერთხელ გვიმტკიცებს, რომ ვარაუდი კორუფციაზე რა თქმა უნდა არის ლოგიკური და ძალიან დიდი ალბათობით შეიძლება ამაში იყოს საქმე, რის გამოც თავისთავად გასაჯაროებული ხელშეკრულება არავითარ შემთხვევაში "ქართულ ოცნებას" არ აწყობს," - თქვა გიორგი თავართქილაძემ. 

ცნობისთვის, Eagle Hills-თან გაფორმებულ საინვესტიციო ხელშეკრულებას კომერციული საიდუმლოს სტატუსი აქვს მინიჭებული.

შეთანხმების მიხედვით, თბილისსა და აჭარაში მსხვილი დეველოპერული პროექტები უნდა განხორციელდეს და ახალი საცხოვრებელი და ტურისტული ინფრასტრუქტურა შეიქმნას. საჯაროდ გაკეთებული განცხადებების მიხედვით, თბილისსა და ბათუმში ჯამში 6,6 მილიარდი აშშ დოლარის ღირებულების პროექტები უნდა განხორციელდეს.

ავტორი: ექსპრესნიუსი,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება