საქართველოს პრეზიდენტი გიორგი მარგველაშვილი,  აშშ-ი  სამუშაო ვიზიტის ფარგლებში,  „ვაშინგტონ პოსტის" სარედაქციო საბჭოს წევრებს ფრედ ჰაიატს, ჯექსონ დილს, ენი ეპლბაუმს, დუგლას ჯელს შეხვდა.

პრეზიდენტის ადმინისტრაციის პრესსამსახურის ინფორმაციით, შეხვედრაზე საუბარი შეეხო ქვეყანაში მიმდინარე პოლიტიკურ და ეკონომიკურ პროცესებს, საქართველოს საგარეო პოლიტიკას,  რუსეთ - საქართველოს ურთიერთობას, მომავალ საპარლამენტო არჩევნებს და წინასაარჩევნო გარემოს, საქართველოს NATO-ში ინტეგრაციის პროცესს და რეგიონში არსებულ უსაფრთხოების გარემოს.

„ვაშინგტონ პოსტის" სარედაქციო საბჭოს წევრები დაინტერესდნენ, როგორ აფასებს საქართველოს პრეზიდენტი რუსეთის საგარეო პოლიტიკას მისი მეზობლების მიმართ და რა ვითარებაა საქართველოს ოკუპირებულ ტერიტორიებზე.

"ვაშინგტონ პოსტის" ოფისში შეხვედრას ესწრებოდნენ საქართველოს პრეზიდენტის საგარეო ურთიერთობათა მდივანი თენგიზ ფხალაძე და  საქართველოს ელჩი აშშ-ი  არჩილ გეგეშიძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით