შრი-ლანკის სანაპიროსთან წყალქვეშა ნავმა ირანის საზღვაო ძალების ფრეგატ IRIS Dena-ს თავს დაესხა, განუცხადეს სააგენტო „როიტერსს“ აზიური ქვეყნის თავდაცვის სამინისტროს წყაროებმა. მათ არ დაუკონკრეტებიათ, ვისი წყალქვეშა ნავი შეეჯახა გემს.

გემმა 4 მარტს გამთენიისას განგაშის სიგნალი გაგზავნა და შრი-ლანკიდან სამხრეთით 40 კილომეტრში ჩაიძირა. თავდასხმის შედეგად 78 ადამიანი დაშავდა, ხოლო ეკიპაჟის 180 წევრიდან 101 დაკარგულია. „ჩვენ ვაგრძელებთ ძებნას, მაგრამ ჯერ არ ვიცით, რა დაემართა ეკიპაჟის დანარჩენ წევრებს“, - განუცხადა წყარომ AFP-ს.

ფრეგატი IRIS Dena ირანში ბრუნდებოდა ინდოეთში საზღვაო წვრთნებში მონაწილეობის შემდეგ. გემს აშშ-ის გამანადგურებელი USS Pinckney აკვირდებოდა, განუცხადეს წყაროებმა „New India Express“-ს. მათი თქმით, თავდასხმა შესაძლოა დიეგო გარსიაში ბაზირებული აშშ-ის ბირთვული წყალქვეშა ნავით განხორციელებულიყო. ირანის საზღვაო ძალების სამხრეთ ფლოტს მიკუთვნებული IRIS Dena ქვეყნის ერთ-ერთი ყველაზე თანამედროვე საბრძოლო ხომალდი იყო. ის ექსპლუატაციაში 2021 წელს შევიდა და 2022-2023 წლებში მსოფლიოს გარშემო მოგზაურობა დაასრულა.

28 თებერვლიდან, როდესაც აშშ-მ და ისრაელმა ირანის წინააღმდეგ სამხედრო ოპერაცია დაიწყეს, ამერიკულმა ძალებმა 17 ირანული გემი გაანადგურეს, მათ შორის წყალქვეშა ნავი, და 2000 სამიზნეს დაარტყა, განაცხადა აშშ-ის ცენტრალური სარდლობის (CENTCOM) ხელმძღვანელმა ბრედ კუპერმა. მან დასძინა, რომ სპარსეთის ყურეში, ჰორმუზის სრუტესა და ომანის ყურეში „არც ერთი ირანული გემი“ არ დარჩენილა.

The New York Times-ის ცნობით, 3 მარტისთვის აშშ-ის სამხედრო ძალებმა ირანზე 1700-ზე მეტი დარტყმა განახორციელეს. აშშ-ის პრეზიდენტმა დონალდ ტრამპმა განაცხადა, რომ სამხედროები ირანის საჰაერო თავდაცვის, საჰაერო ძალების, საზღვაო ფლოტისა და ქვეყნის ხელმძღვანელობის განადგურებაზე არიან ორიენტირებულნი. მან ასევე უარყო თეირანთან მოლაპარაკებები და აღნიშნა, რომ „ძალიან გვიანი“ იყო.

სახელმწიფო მდივანმა მარკო რუბიომ ასევე ხაზგასმით აღნიშნა, რომ აშშ-ის ოპერაციის მიზანია ირანის საზღვაო ფლოტისა და ბალისტიკური რაკეტების პროგრამის განადგურება. „ვიმედოვნებთ, რომ ირანის ხალხი შეძლებს თავისი მთავრობის დამხობას და თავისი ქვეყნისთვის ახალი მომავლის შექმნას“, - თქვა რუბიომ.

ავტორი: ექსპრესნიუსი,

სოციალური ქსელები

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია

ორწლიანი პაუზის შემდეგ თელ-ავივში მასშტაბური გეი აღლუმი გაიმართა

ხოშტარია: ვმუშაობდი და გავაგრძელებ მუშაობას „მოღალატე რუსების“ წინააღმდეგ სანქციებზე