უნგრეთი და სლოვაკეთი გეგმავენ, ევროკავშირის წინააღმდეგ სასამართლოში სარჩელი შეიტანონ REPowerEU-ის გეგმის გამო, რომელიც რუსული ნაავთობისა და გაზის იმპორტის ეტაპობრივ შეწყვეტას ითვალისწინებს. ეს განცხადება ოფიციალურმა პირებმა 26 იანვარს გააკეთეს. 

ორივე ქვეყნის საგარეო საქმეთა მინისტრები ამტკიცებენ, რომ EU-ის ეს გადაწყვეტილება მათ "ეროვნულ ინტერესებს აზიანებს".

"როგორც კი REPowerEU-ის შესახებ გადაწყვეტილება ოფიციალურად გამოქვეყნდება, უნგრეთი სარჩელს შეიტანს ევროკავშირის მართლმსაჯულების სასამართლოში. ჩვენ გამოვიყენებთ ყველა სამართლებრივ საშუალებას, რათა ეს გადაწყვეტილება გაუქმდეს", - დაწერა უნგრეთის საგარეო საქმეთა მინისტრმა პიტერ სიიარტომ X-ზე.

რაც შეეხება სლოვაკეთს, ქვეყნის საგარეო საქმეთა მინისტრმა იურაი ბლანარმა განაცხადა, რომ ევროკავშირმა უნდა უზრუნველყოს "სამართლიანი, რეალისტური და სოციალურად მდგრადი გარდამავალი პროცესი ყველა წევრი სახელმწიფოსთვის" და არ უნდა აწარმოოს პოლიტიკა, რომელიც უგულებელყოფს "ცალკეული ქვეყნების რეალურ შესაძლებლობებსა და კონკრეტულ გარემოებებს".

სლოვაკეთი და უნგრეთი არიან ქვეყნები, რომლებსაც არ აქვთ ზღვაზე გასასასვლელი, ისინი გეოგრაფიულად უკრაინას ესაზღვრებიან, ხოლო ისტორიულად - დიდი ხანია დამოკიდებული არიან რუსულ ნავთობსა და გაზზე. 

უნგრეთის პრემიერი ვიქტორ ორბანი და სლოვაკეთის პრემიერი რობერტ ფიცო რუსეთის პრეზიდენტ ვლადიმერ პუტინის ახლო მოკავშირეები არიან, ასევე, ისინი ხმამაღლა ეწინააღმდეგებიან რუსეთთან ენერგეტიკული კავშირების გაწყვეტას. 

26 იანვარს ევროკავშირის 27-ვე წევრმა ქვეყანამ ოფიციალურად მიიღო რეგულაცია ევროკავშირში რუსული როგორც მილსადენის გაზის, ისე თხევადი ბუნებრივი გაზის (LNG) იმპორტის ეტაპობრივი შეწყვეტის შესახებ.

რეგულაციის თანახმად, აიკრძალება რუსული მილსადენის გაზისა და თხევადი ბუნებრივი გაზის იმპორტი ევროკავშირში. აკრძალვა ძალაში შევა რეგულაციის გამოქვეყნებიდან ექვსი კვირის შემდეგ. 

 ეს ეტაპობრივი მიდგომა შეამცირებს გავლენას ფასებსა და ბაზრებზე. სრული აკრძალვა თხევადი ბუნებრივი გაზის იმპორტზე 2027 წლის დასაწყისიდან ამოქმედდება, ხოლო მილსადენიდან იმპორტზე - 2027 წლის შემოდგომიდან.

ავტორი: ექსპრესნიუსი,

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო