საქართველოში მცხოვრები რუსეთის მოქალაქეების 20.1% საქართველოს მაცხოვრებლებად ითვლება. ამის შესახებ ეროვნული ბანკის მიერ გამოქვეყნებულ საერთაშორისო მოგზაურობიდან მიღებული შემოსავლების მონაცემებშია ნათქვამი.

„2025 წლის 30 ივნისის მონაცემებით, საქართველოში მყოფი რუსეთის მოქალაქეების 20.1% ითვლება, რომ ისინი 1 წელზე მეტი ხნის განმავლობაში იმყოფებიან ან აპირებენ საქართველოში 1 წელზე მეტი ხნის განმავლობაში დარჩენას. საერთაშორისო სავალუტო ფონდის მეთოდოლოგიის თანახმად, ისინი საქართველოს რეზიდენტები არიან და მათი ხარჯები არ შედის საერთაშორისო მოგზაურობიდან მიღებულ შემოსავალში“, - ნათქვამია ეროვნული ბანკის განცხადებაში.

ეროვნული ბანკის მონაცემებით, 2025 წლის იანვარ-ივნისში საერთაშორისო მოგზაურობიდან მიღებულმა შემოსავალმა 1.971 მილიარდი აშშ დოლარი შეადგინა. აღსანიშნავია, რომ ცალკეულ ქვეყნებს შორის, საქართველომ ყველაზე დიდი შემოსავალი რუსი მოგზაურებისგან მიიღო. კერძოდ, 2025 წლის იანვარ-ივნისში რუსმა ტურისტებმა საქართველოში 307.8 მილიონი აშშ დოლარი დახარჯეს. ტურიზმიდან მიღებული შემოსავლების მხრივ მეორე ადგილს ევროკავშირის ქვეყნები იკავებენ 277.1 მილიონი აშშ დოლარით.

ავტორი: ექსპრესნიუსი,

სოციალური ქსელები

ნინო ლომჯარია TV იმედს სასამართლოში უჩივის

ზურაბიშვილი: ელენე ხოშტარიას, სასწრაფო სასიცოცხლოდ მნიშვნელოვანი სამედიცინო დახმარება სჭირდება

ბოკუჩავა: რა თქმა უნდა, ვრჩები ნაციონალურ მოძრაობაში, ვიბრძოლებ ბოლომდე!

გვარამიას თქმით, მოსამართლემ არ დააკმაყოფილა ხოშტარიას მდგომარეობის შესწავლის შუამდგომლობა