2025-06-07 12:49:30, 1001 ნახვა
მსოფლიო
თელ-ავივის ბენ გურიონის აეროპორტში საქართველოს 8 მოქალაქე დააკავეს
ებრაული გამოცემა Ynet იუწყება, რომ ბენ გურიონის აეროპორტის სასაზღვრო სამსახურმა ამ კვირაში საქართველოს 8 მოქალაქის ისრაელში უკანონო შესვლის მცდელობა აღკვეთა.
რვა ცალკეულ შემთხვევაში, 40-50 წლის ასაკის 4 მამაკაცი და 4 ქალი დააკავეს, როდესაც ისინი ყალბი ისრაელის პასპორტებით ქვეყანაში შესვლას ცდილობდნენ.
გამოცემის მიხედვით, საქართველოს მოქალაქეები, რომლებიც ისრაელში სხვადასხვა რეისით ჩაფრინდნენ, უკვე დეპორტირებულნი არიან.
ავტორი: ექსპრესნიუსი,
epn.ge (@expressnews.ge)
