2025-05-18 16:32:00, 1626 ნახვა
საზოგადოება
აქციის მონაწილეებმა სპეციალური საგამოძიებო სამსახურის შენობასთან გადაინაცვლეს
დღეს თბილისში საპროტესტო მსვლელობა, სახელწოდებით “ჩვენ გხედავთ” იმართება. მსვლელობის მონაწილეები სამედიცინო უნივერსიტეტთან შეიკრიბნენ, ახლა კი სპეციალური საგამოძიებო სამსახურის შენობასთან გადაინაცვლეს. ისინი ქვეყანაში ხელახალი არჩევნების დანიშვნას და აქციაზე დაკავებულების გათავისუფლებას მოითხოვენ.
ისინი სკანდირებენ: "აჯანყდი!", გაათავისუფლეთ ტყვეები!".
აქციის მონაწილეებს თან აქვთ საქართველოსა და ევროკავშირის დროშები, ასევე სხვადასხვა შინაარსია ბანერი, რომლითაც აქციაზე დაკავებულების გათავისუფლებას მოითხოვენ.
მათ გაშალეს საქართველოს დროშაც. ისინი სტვენითა და შეძახილებით გამოხატავენ პროტესტს.
მსვლელობას თან მიუძღვის პოლიციის კორდონი. საგამოძიებო სამსახურის შენობასთან მობილიზებულია პოლიცია.
ავტორი: ექსპრესნიუსი,
epn.ge (@expressnews.ge)
