პოლონეთის პრემიერმინისტრ დონალდ ტუსკმა თქვა, რომ მისი პარტიის, "სამოქალაქო პლატფორმის", IT სისტემები კიბერთავდასხმის სამიზნე გახდა. 

პოლონეთის მთავრობის თქმით, მაისში დანიშნული საპრეზიდენტო არჩევნების წინ უცხოური ჩარევისა და დივერსიის თავიდან ასაცილებლად ის მაღალი მზადყოფნის რეჟიმში იმყოფება. ხელისუფლების მტკიცებით, უკრაინის მხარდაჭერაში მისი აქტიური როლი პოლონეთს მოსკოვის უსაფრთხოების სამსახურების მთავარ სამიზნედ აქცევს. რუსეთი ამ ბრალდებებს უარყოფს.  

"კიბერთავდასხმა [სამოქალაქო] პლატფორმის IT სისტემაზე, არჩევნებში უცხოური ჩარევა იწყება. სამსახურები მიუთითებენ აღმოსავლურ კვალზე" -  დაწერა ტუსკმა სოციალურ ქსელ X-ზე.  

ტუსკის ოფისის ხელმძღვანელმა იან გრაბიეცმა სახელმწიფო საინფორმაციო სააგენტო PAP-თან საუბრისას განაცხადა, რომ შეტევის ანალიზით გამოვლენილია "კონკრეტული მონაცემები, რომლებიც აღმოსავლეთიდან მომუშავე სამსახურების მეთოდზე მიუთითებს".  

იანვარში ციფრული ტექნოლოგიების მინისტრმა კშიშტოფ გავკოვსკიმ თქვა, რომ პოლონეთმა გამოავლინა რუსული ჯგუფი, რომელსაც დეზინფორმაციის გავრცელებითა და დესტაბილიზაციის გაღვივებით პოლონეთის არჩევნებზე გავლენის მოხდენა ევალება.  

გარდა ამისა, ვარშავამ მარტში განაცხადა, რომ პოლონეთის კოსმოსურ სააგენტოზე კიბერთავდასხმა განხორციელდა. 2024 წელს პოლონეთმა ასევე განაცხადა, რომ, სავარაუდოდ, სახელმწიფო საინფორმაციო სააგენტო რუსული კიბერთავდასხმის სამიზნე გახდა.

ავტორი: ექსპრესნიუსი,

სოციალური ქსელები

სააკაშვილი: ნანუკა ჟორჟოლიანი ჩემი თხოვნით უკვე ხვდება პარტიულ ორგანიზაციებს, თიკა ბოკუჩავაც რჩება პარტიაში

უკრაინის იერიშის გამო მოსკოვის ყველა აეროპორტმა მუშაობა შეწყვიტა

ტუსკი რუსი მხატვრის მკვლელობაზე: ეჭვმიტანილი დაკავებულია, ის საქართველოს პასპორტს იყენებს

სელფი Global Tech Weekend Tbilisi 2026-ის პარტნიორია!