2025-02-20 13:26:05, 347 ნახვა
მსოფლიო
საბერძნეთის პრემიერ-მინისტრი - ევროპამ უნდა გამოიღვიძოს
ევროპამ უნდა გამოიღვიძოს, - ამის შესახებ საბერძნეთის პრემიერ-მინისტრმა, კირიაკოს მიცოტაკისმა განაცხადა.
„ევროპამ გეოპოლიტიკური და ეკონომიკური ლეთარგიული ძილიდან უნდა გამოიღვიძოს, რომლითაც მას, სამწუხაროდ, უკვე გარკვეული პერიოდია სძინავს“, - განაცხადა კირიაკოს მიცოტაკისმა.
მისი თქმით, ევროპამ საკუთარი თავდაცვის პოლიტიკა უნდა შეიმუშაოს, რაც მას აშშ-ზე დამოკიდებულების შემცირების საშუალებას მისცემს.
„ბოლოდროინდელი მოვლენები და აშშ-ის განსხვავებული შეხედულებები გვავალდებულებს, რომ სიმართლეს თვალებში ჩავხედოთ, სწრაფად ვიმოქმედოთ და იმ საკითხების შესახებ, რომლებსაც განვიხილავთ, გადაწყვეტილებები მივიღოთ“, - აღნიშნა საბერძნეთის პრემიერ-მინისტრმა.
ავტორი: ექსპრესნიუსი,
epn.ge (@expressnews.ge)
