საქართველოს მე-5 პრეზიდენტის, სალომე ზურაბიშვილის და ოპოზიციის შეხვედრა დასრულდა.

 შეხვედრის შემდეგ  "ძლიერი საქართველოს" ერთ-ერთმა ლიდერმა, ბადრი ჯაფარიძემ დახურულ კარს მიღმა გამართულ შეხვედრაზე ისაუბრა, მისი თქმით საუბარი იყო ზურაბიშვილის შეხვედრებზე, რომელიც მან მიუნხენში გამართა.

ჯაფარიძის თქმით, სალომე ზურაბიშვილმა პარტნიორებს საქართველოში მიმდინარე მოვლენებზე სრული ინფორმაცია მიაწოდა.

„ჩვენ გვქონდა შეხვედრა პრეზიდენტ ზურაბიშვილთან, სადაც მან მოგვაწოდა ინფორმაცია იმ შეხვედრებზე, რომელიც გაიმართა მიუნხენში, მაღალი რანგის სხვადასხვა პოლიტიკოსებთან იმასთან დაკავშირებით, რომ მან მიაწოდა ევროპელებს, ამერიკელებს ის ინფორმაცია, თუ რა ხდება ბოლო ხანებში ჩვენს ქვეყანაში და იმასთან დაკავშირებით, რომ ერთადერთი გამოსავალი ამ უღრმესი კრიზისიდან ახალი არჩევნებია.“ - განაცხადა ჯაფარიძემ.

ბადრი ჯაფარიძემ, ზურაბიშვილის მიმართ განხორციელებულ თავდასხმაზეც ისაუბრა და თქვა, რომ მეხუთე პრეზიდენტს ზიანი აღენიშნება სახეზე.

„რაც შეეხება გუშინდელ თავდასხმას, მას სახეზე აღენიშნება მიყენებული ზიანი. ეს არის ამაზრზენი თავდასხმა, რომელიც პირდაპირ მიანიშნებს "ქართული ოცნების" აგონიაზე. ეს არის აგონიაში მყოფი ხელისუფლების ქცევა, როდესაც ოპონენტებს ესხმის თავს ორგანიზებულად.“  - განაცხადა ბადრი ჯაფარიძემ.

ავტორი: ექსპრესნიუსი,

სოციალური ქსელები

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა