მიხეილ მესხის სტადიონზე ირაკლი კობახიძის მისვლას, მედიის წარმომადგენლების პროტესტი მოჰყვა

2025-01-29 13:38:51, 410 ნახვა

საზოგადოება

მიხეილ მესხის სტადიონზე პრემიერ-მინისტრ ირაკლი კობახიძის მისვლას, მედიის წარმომადგენლების პროტესტი მოჰყვა.

ისინი გამოცემა „ბათუმელების" დამფუძნებელს, მზია ამაღლობელს სოლიდარობას უცხადებენ და მის დაკავებას აპროტესტებენ.

"არ შემოგვიშვეს, დაცვამ მოასწრო, კობახიძე შეაპარეს. ვიცოდით, რომ დღეს კობახიძე აქ მოდიოდა, მოვასწარით მოსვლა, მაგრამ შავი "ჯიპებით" შემოგვასწრეს შემოსვლა, დაცვის კოჰორტა მოჰყვებოდა. კარები ჩარაზეს, უკან დაცვით და პოლიციით არის გარშემორტყმული. აქ იმიტომ ვართ, რომ ველოდებით მზია ამაღლობელის პატიმრობიდან დაუყოვნებლივ გათავისუფლებას. ის უკვე 18 დღეა შიმშილობს. მის ჯანმრთელობას და სიცოცხლეს საფრთხე ემუქრება. ვითხოვთ მის დაუყოვნებლივ გათავისუფლებას, რადგან ის არის უკანონო პოლიტიკური პატიმარი. თავისუფლება მზიას, თავისუფლება სინდისის პატიმრებს. ჩვენ მანამდე ვიბრძოლებთ, სანამ სინდისის პატიმრები არ გათავისუფლდებიან", -განაცხადა გელა მთივლიშვილმა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,