სეისმური მონიტორინგის ეროვნული ცენტრის დირექტორმა თეა გოდოლაძემ ქვეყანა დატოვა. - ამის შესახებ ჟურნალისტი "მთის ამბების" მთავარი რედაქტორი გელა მთივლიშვილი აცხადებს.

მისი ინფორმაციით, მეცნიერმა ქვეყნის დატოვების გადაწყვეტილება უკანონოდ დაპატიმრების საფრთხის გამო მიიღო. 

"„მთის ამბებმა“ მასთან ინტერვიუ გამგზავრებამდე რამდენიმე საათით ადრე ჩაწერა. მეცნიერმა ქვეყნის დატოვების გადაწყვეტილება უკანონოდ დაპატიმრების საფრთხის გამო მიიღო. ამას წინ უძღოდა, სასამართლოს მიერ, თეა გოდოლაძეზე მძიმე ძალადობაში ბრალდებული ყოფილი პარტნიორის გამართლება, თეასთვის ბრალის წარდგენა, „ქართული ოცნების“ პირველი პირებისგან სიტყვიერი თავდასხმები და მის წინააღმდეგ ორგანიზებული საინფორმაციო კამპანია განსაკუთრებით შოვის ტრაგედიის შემდეგ." - აცხადებს გელა მთივლიშვილი.

ციხეში ჯდომით ბევრს ვერაფერს შევცვლი. გარედან გავაგრძელებ ბრძოლას. გაცილებით მეტი ვიცი და გაცილებით მეტი შემიძლია, ვიდრე ჰგონიათ" - თქვა მან "მთის ამბებთან" ინტერვიუში

2025 წლის იანვრის დასაწყისში გოდოლაძე თბილისის მერიას დაუპირისპირდა 6 ცათამბჯენის იპოდრომზე აშენების გამო.

"უკვე აზრი არა აქვს, წერე და ილაპარაკე, მაინც “მოჭიდავეები” წყვეტენ ყველაფერს. მერიაში საჩივრის განხილვაც ყოველგვარ აზრს მოკლებულია. დავდივართ მერიაში განხილვებზე, ოთახში მჯდომთანაგ, ყველამ იცის, რომ მართლები ვართ, მაგრამ ყუფარაძე რეკავს და ჰა, ახალე თავი კედელს. სასამართლო ცალკე კარიკატურადაა ქცეული." დაწერა მან 4 იანვარს "ფეისბუქის" საკუთარ გვერდზე.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს