საქართველოს მე-5 პრეზიდენტმა, სალომე ზურაბიშვილმა ჰადსონის ინსტიტუტის პანელურ დისკუსიაში მონაწილეობა მიიღო, სადაც საქართველოს პოლიტიკური სიტუაცია და არჩევნების შედეგები გააკრიტიკა. ზურაბიშვილმა აღნიშნა, რომ საჭიროა ზეწოლა სანქციებით არა მხოლოდ “ქართული ოცნების” ლიდერებზე, არამედ მათი მხარდამჭერების წრეზეც.

„თქვენ უნდა დადგეთ მტკიცედ. ვგრძნობ, რომ მხარს გვიჭერენ ამერიკელი მეგობრები, ისინი არ აღიარებენ არჩევნების შედეგებს. თუ რუსეთი ნახავს, რომ შეუძლია ამით სარგებლობა, მისი სტრატეგია გაიმარჯვებს. არ უნდა აღიარებულ იქნას არჩევნები და არ უნდა აღიარებულ იქნეს დე ფაქტო პრეზიდენტი”, - განაცხადა ზურაბიშვილმა.

მისი თქმით, სანქციები განსაკუთრებით მნიშვნელოვანია, რადგან ისინი ასუსტებს ავტოკრატიულ და პრორუსულ რეჟიმს.

„სანქციები აუცილებელია, რადგან ის გავლენას ახდენს ერთპარტიულ სისტემებში არსებულ პირველ წრეებზე, იქნება ეს ბიზნესმენები თუ სხვა პირები. ამიტომ, ეს ყველაფერი უნდა გაგრძელდეს, რათა შევძლოთ ახალი არჩევნების ჩატარება. ეს არის ერთადერთი გზა საქართველოს ამ ღრმა კრიზისიდან გამოსვლისთვის,” - აღნიშნა ზურაბიშვილმა.

ავტორი: ექსპრესნიუსი,

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"