„ნუ იქნებით ოკუპანტის ხმოსნები“ - ამ სახელმწოდებით აფხაზეთიდან დევნილმა საზოგადოებამ პეტიცია შექმნა.

manifest.ge-ზე 11 დეკემბერს გამოქვეყნებული პეტიციით მოქალაქეები მოუწოდებენ აფხაზეთის უმაღლეს საბჭოს, საპრეზიდენტო არჩევნებში მონაწილეობა არ მიიღოს.

„აფხაზეთის საზოგადოების წარმომადგენლების საპროტესტო მიმართვა აფხაზეთის ა/რ-ის უმაღლესი საბჭოს დეპუტაციას - საქართველოს კონსტიტუციაში შეტანილი ცვლილებების მიხედვით, 1991 წელს არჩეულ აფხაზეთის ა/რ წარმომადგენლობითი ორგანოს წევრებს, მოგენიჭათ პრეზიდენტის საარჩევნო კოლეგიის (300 წევრიდან) ხმოსნობა, რაც არ გაძლევთ სამართლებრივ უფლებას, მიიღოთ მონაწილეობა არალეგიტიმური პარლამენტის მიერ დანიშნულ საპრეზიდენტო არჩევნებში.

შეგახსენებთ, რომ  2024 წლის 26 ოქტომბრის ფუნდამენტური დარღვევებით ჩატარებული საპარლამენტო არჩევნების შედეგები არ აღიარა არცერთმა დემოკრატიულმა სახელმწიფომ, ევროკავშირმა, აგრეთვე სტრატეგიული პარტნიორობის ხელშეკრულება შეაჩერა აშშ-მა, რომელიც საქართველოს ტერიტორიული მთლიანობისა და არაღიარების პოლიტიკის გარანტია.

აქედან გამომდინარე, აფხაზეთიდან დევნილი საზოგადოება მოგიწოდებთ, დადგეთ ისტორიის სწორ მხარეს, არ მიიღოთ მონაწილეობა დე-ფაქტო ხელისუფლების მიერ დადგმულ ფარსში, გაემიჯნოთ ამ უკანონო პროცესებს. ქვეყნის „მთავარსარდლის“ არალეგიტიმურ არჩევნებში თქვენი მონაწილეობა მოახდენს აფხაზეთის ა/რ-ის ისედაც რეპუტაციაშელახული ინსტიტუციების ძირეულ დისკრედიტაციას“,- აღნიშნულია პეტიციის ტექსტში. 

პეტიციას, რომელზეც 2 000 ხელმოწერაა საჭირო, ხელს ამ დროისთვის 151 პირი აწერს. ხელის მოსაწერად ეწვიეთ ბმულს.

შეგახსენებთ, საქართველოს პრეზიდენტის არჩევნები 14 დეკემბერს, ინაუგურაცია კი 29 დეკემბერსაა დაგეგმილი.

ავტორი: ექსპრესნიუსი,

სოციალური ქსელები

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა

საქართველოს ბანკის ორგანიზებით, ბათუმში ბიზნესებისთვის EBRD-ის მხარდამჭერ პროგრამებზე შეხვედრა გაიმართა

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა