ალექსანდრე თირქიას ბიძა - ალექსანდრეს მდგომარეობა ამ წუთისთვის ისევ უცვლელია, აქვს უმძიმესი დაზიანება შუბლის, ტვინის შეშუპებით

2024-12-07 00:57:03, 500 ნახვა

საზოგადოება

ალექსანდრეს მდგომარეობა ამ წუთისთვის ისევ უცვლელია, აქვს უმძიმესი დაზიანება შუბლის, ტვინის შეშუპებით,- ამის შესახებ აქციაზე დაშავებული 21 წლის ახალგაზრდის, ალექსანდრე თირქიას ბიძამ, იოსებ ჩანადირმა „TV პირველს“ განუცხადა.

ჩანადირის თქმით, იწყება საძილე პრეპარატების შემცირება და დაშავებული ახალგაზრდის გამოღვიძება.

„ალექსანდრეს მდგომარეობა ამ წუთისთვის ისევ უცვლელია, აქვს უმძიმესი დაზიანება შუბლის, ტვინის შეშუპებით. მხედველობის საკითხი ჯერ არ ვიცით, სანამ კომიდან არ გამოვა, ოფთალმოლოგები ვერაფერს ვერ გვეუბნებიან, თუმცა თვალის კონსტიტენცია შენარჩუნებულია, დაზიანებული არ არის, თუმცაღა თვალის უკან აქვს პატარა სისხლჩაქცევები.

პირველადი დაკვირვებით რაც შეიძლება ითქვას, დაზიანება გამოწვეულია მხუთავი აირის კაფსულით. დღეს ექიმს ვესაუბრეთ, უკვე დაიწყეს საძილე პრეპარატების შემცირება და ნელ-ნელა დაიწყებენ გამოღვიძებას. მინდა, აღვნიშნო და და მადლობა მოვუხადო იმ ადამიანების ოჯახებს, ვისაც წვლილი მიუძღვის ალექსის გადარჩენაში. ყოველი წუთი გადამწყვეტი იყო. დროზე რომ არ მიეყვანათ, გადარჩენა ვერ მოხდებოდა.

მდგომარეობა უცვლელია - სტაბილურად მძიმე და უცვლელი. პირველი კრიტიკული ეტაპი უკვე გადალახულია. უკვე იწყება პოსტტრავმული მდგომარეობიდან გამოსვლა, უნდა გამოაღვიძონ, რომ დაიწყოს შემდეგი ეტაპი“,- აცხადებს თირქიას ბიძა.