გვაქვს საფუძვლიანი ეჭვი, რომ ჩვენს ოფისში შემოიტანეს სწორედ ის ნივთები, რომლითაც ახლა სახელმწიფო გადატრიალებას დაგვაბრალებენ,- ამის შესახებ „ერთიანობა - ნაციონალური მოძრაობის“ თავმჯდომარე, თინა ბოკუჩავამ განაცხადა.

როგორც ბოკუჩავამ აღნიშნა, დღეს ქვეყანაში ადგილი აქვს ტოტალურ რეპრესიებს პოლიტიკური პარტიების, სამოქალაქო აქტივისტებისა და მოქალაქეების წინააღმდეგ,

„ივანიშვილი მშვიდობას გპირდებოდა და ომი გამოუცხადა ქართულ საზოგადოებას, ევროპას ჰპირდებოდა და რუსეთში გავიღვიძეთ. დღეს ადგილი აქვს ტოტალურ რეპრესიებს პოლიტიკური პარტიების, სამოქალაქო აქტივისტების და მოქალაქეების წინააღმდეგ, რომელიც ახლაც მიმდინარეობს, როდესაც ადამიანებს აკავებენ მხოლოდ იმიტომ, რომ მათ აქვთ თავდაცვის საშუალებები, როგორიც არის ნიღბები რომ თავი დაიცვან მხუთავი აირისგან, ძალადობისგან, რასაც ვხედავთ მეშვიდე დღეა თბილისის ქუჩებში.

დღეს “ერთიანობა ნაციონალური მოძრაობის” ახალგაზრდული ორგანიზაციის ოფისში რუსული “ომონი” შემოიჭრა სასამართლო განჩინების გარეშე, რაც არის სრული უკანონობა, არაერთხელ მოვითხოვეთ განჩინების წარდგენა, რაც არ გააკეთეს სპეცოპერაციის დამთავრების დროსაც კი. ისინი შემოვარდნენ ჩვენს ოფისში და აქ მყოფ ხუთ ახალგაზრდას ჩამოართვეს ტელეფონები, არ შემოუშვეს იურისტები და არც შემიშვეს არც მე, როგორც პარტიის თავმჯდომარე და უფლებამოსილი პირი.

ჩხრეკის დროს არცერთი მოწმე არ იმყოფებოდა ოფისში და ჩვენი ხუთი ახალგაზრდის დაჭერის შემდეგ სამართალდამრღვევები, “ომონის” კრიმინალური დაჯგუფება იმყოფებოდა სრულიად მარტო. მათ აქედან გაიტანეს საქართველოს და ევროკავშირის დროშები, ისევე როგორც ფიზიოლოგიური ხსნარი და სხვა სამედიცინო საშუალებები, რომელსაც ჩვენ ჩვენს მიერ ორგანიზებულ მედ პუნქტში ვიყენებდით ადამიანების დასახმარებლად, მაგრამ რა შემოიტანეს ეს არ ვიცით და ეჭვი გვაქვს, რომ შემოიტანეს სწორედ ის ნივთები, რომლითაც ახლა სახელმწიფო გადატრიალებას დაგვაბრალებენ. ეს არის  ფალსიფიცირებული კადრები, რომელსაც თქვენ გაჩვენებენ, რომლის ავთენტურობას არავინ დავიჯერებთ და რომელიც არის სწორედ ის მეთოდი, რასაც იყენებს პუტინი და მისი მსგავსი ავტოკრატები ავტოკრატიულ სახელმწიფოებში. ასე გამოიყურება გარუსებული საქართველო, მაგრამ ჩვენ საქართველოს ივანიშვილს არ დავუთმობთ.

როგორც აღვნიშნე დაკავებულია ხუთი ახალგაზრდა - საბა ბირკაია, მიშო ჯანიკაშვილი, ვახტანგ გაგნიძე, დავით გედენიძე, რომლის ძმა და მამა აქ იმყოფებოდნენ უკანონო დაკავებისას და ირაკლი არდია. ჩვენთვის მთავარია მათი განთავისუფლება, ისევე როგორც ასეულობით სხვა ახალგაზრდის გათავისუფლება, რომლებსაც უკანონოდ აკავებს ივანიშვილის “ომონი”. მე დარწმუნებული ვარ ჩვენს გამარჯვებაში, ჩვენი ერთიანობით ჩვენ აუცილებლად გავიმარჯვებთ“,- განაცხადა ბოკუჩავამ.

ავტორი: ექსპრესნიუსი,

სოციალური ქსელები

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს

„გახარია საქართველოსთვის“ პარლამენტში მომხდარი ჩხუბის გამოძიებას მოითხოვს

რა შეიცვალა საქართველოს ეკონომიკისთვის ახლო აღმოსავლეთის შეთანხმებიდან ორი კვირის თავზე?

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური