თავისთვის სამშვიდობო ადგილას რომ გამიყვანეს, ვიღაცას ბეისბოლის თამაში მოუნდა  და როგორც ბიტა, ეგრე შემომცხო ცხვირში,- ამის შესახებ აქციის ერთ-ერთი მონაწილე ავთანდილ კიკვინიძე  „TV პირველთან“ აცხადებს.

კიკვინიძის თქმით, ითხოვდა ექიმსა და ადვოკატს, თუმცა ამის საშუალება არ მისცეს.

„უკვე რომ გაგვაცილეს პარლამენტს, მაგ დროს რობოკოპს, ალბათ, ბეისბოლის თამაში მოუნდა და როგორც ბიტა, ეგრე შემომცხო ცხვირში. მერე მიმიყვანეს უკვე მარშუტკასთან. მანამდე რამდენჯერმე ჩამარტყეს, მაგრამ ეგ აღარ მიგვრძნია, ეს ისე მომხვდა. წინდა მომაწოდეს სისხლის მოსაწმენდად, გამდიოდა თქრიალით.

ერთი ზარიც ვითხოვე, ექიმიც და ადვოკატიც. არაფერი შემისრულეს, მითხრეს, რომ ეგ ყველაფერი იქნება წინასწარი დაკავების იზოლატორში. იქ რომ მივედით 3 საათზე, იზოლატორის თანამშრომლები გაშტერებულები მიყურებდნენ, აქ საიდან უნდა დაგარეკინოთ. მოხურეს კარი იზოლატორში და ჩამკეტეს და ძალით გადაგიღებთ ახლა ფოტოსო. „ახლაო, დაგაბამთ ბორკილებით, დაგაგდებთ და ეგრე ეგდები 2 დღეო“. მერე შეხედეს ერთმანეთს და „ახლა ჩვენ რაც ვიცით, ის გავაკეთეთო“ და წამოდიო ექიმის ოთახში.  „გაიხადე“ - ვითომ უნდა შემშინებოდა; გავიხადე. ჩაჯექიო - ჩავჯექი; ადექიო - ავდექი; ჩაიცვიო - ჩავიცვი და 7 საათი ვიჯექი, დახლოებით, სასამართლოს სარდაფში. გვერდზე პოლიციელები ჩურჩულებენ, რომ მოიცა, ჯერ ავიყვანოთო იქო და მერე გამოვუძახოთ სასწრაფოსო და ამიტანეს იქ და შევედი თუა არ, თავბრუ დამეხვა ისე, რომ ვეღარ დავჯექი ნორმალურად. იქ გამოიძახეს სასწრაფო“, - ამბობს კიკვინიძე. 

ავტორი: ექსპრესნიუსი,

სოციალური ქსელები

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს

„გახარია საქართველოსთვის“ პარლამენტში მომხდარი ჩხუბის გამოძიებას მოითხოვს

რა შეიცვალა საქართველოს ეკონომიკისთვის ახლო აღმოსავლეთის შეთანხმებიდან ორი კვირის თავზე?

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური