"ჩვენი ვალია, დავიცვათ ქვეყნის ევროპული მომავალი... ვგმობთ ძალადობას, რომელსაც მიმართავენ სახელმწიფო უწყებების წარმომადგენლები", - ამის შესახებ სეუ-ს სტუდენტებისა და ლექტორების ნაწილის განცხადებაშია საუბარი.

საქართველოს ეროვნული უნივერსიტეტის (სეუ) სტუდენტებისა და თანამშრომლების ნაწილის განცხადება:

საქართველოს ეროვნული უნივერსიტეტის (სეუ) თანამშრომლები და სტუდენტები ვაცხადებთ, რომ საქართველოს ევროპული ინტეგრაციის შეჩერება საფრთხეს უქმნის ყველა, მათ შორის განათლების სფეროს თავისუფლებას. მიმდინარე მოვლენები მკვეთრად გასცდა პოლიტიკურ პროცესებს და იქცა ჩვენი ერისა და სახელმწიფოს მომავლის განმსაზღვრელ უმნიშვნელოვანეს პროცესად.

ევროპული ინტეგრაციის შეჩერება ცალსახად ეწინააღმდეგება საქართველოს კონსტიტუციას და ჩვენი ქვეყნის მოსახლეობის უმრავლესობის გაცხადებულ მიზნებს.

საქართველოს ეროვნული უნივერსიტეტის თანამშრომლებისა და სტუდენტებისთვის უმნიშვნელოვანესია განათლება. მივიჩნევთ, რომ ჩვენი ვალია, დავიცვათ ქვეყნის ევროპული მომავალი, ხარისხიანი განათლების მიღების შესაძლებლობა და არჩევანის თავისუფლება.

ასევე, ვგმობთ ძალადობას, რომელსაც მიმართავენ სახელმწიფო უწყებების წარმომადგენლები პროტესტის მონაწილეების მიმართ, რომელთა შორისაც არიან ჩვენი სტუდენტები და ლექტორები.

გვჯერა, რომ სწორედ ევროპული და ევროატლანტიკური ინტეგრაცია არის ქვეყნის ხარისხიანი განათლებისა და თანაბარი შესაძლებლობების გარანტი, - ნათქვამია განცხადებაში.

ავტორი: ექსპრესნიუსი,

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება