2024-12-01 01:29:46, 371 ნახვა
პოლიტიკა
აქციის მონაწილეთა წინააღმდეგ სპეცრაზმი პერიოდულად წყლის ჭავლს და გაზს იყენებს
სპეციალური დანიშნულების რაზმის წარმომადგენლები აქციის მონაწილეების წინააღმდეგ წყლის ჭავლს პერიოდულად იყენებენ.ჭიჭინაძის ქუჩაზე სპეცრაზმმა აქციის მონაწილეების წინააღმდეგ წყლის ჭავლთან ერთად გამოიყენა გაზის ე.წ კაფსულებიც.
თავის მხრივ, აქციის მონაწილეების მხრიდან სპეცრაზმის მისამართით ისმის შეძახილები: „მონებო“. ასევე, დემონსტრანტები სამართალდამცავების მიმართულებით სხვადასხვა საგნებს ისვრიან. დემონსტრანტების ნაწილი პარლამენტთან სპეციალური ეკიპირებით იმყოფება, მათ შორის უკეთია ნიღბები. აღსანიშნავია ისიც, რომ აქციის მონაწილეების ნაწილს ხელში ხატები უჭირავს.
წყლის ჭავლის გამოყენებამდე რუსთაველის გამზირზე შეკრებილი მოქალაქეები შსს-მ სპეციალური ხმოვანი სიგნალით გააფრთხილა და დაშლისკენ მოუწოდა.
ავტორი: ექსპრესნიუსი,
epn.ge (@expressnews.ge)
