ვერ აირჩევს არალეგიტიმური პარლამენტი ახალ პრეზიდენტს - ინაუგურაცია ვერ იქნება და ჩემი მანდატი გრძელდება მანამ, სანამ არ იქნება ლეგიტიმურად არჩეული პარლამენტი,- ამის შესახებ საქართველოს პრეზიდენტმა, სალომე ზურაბიშვილმა ვიდეომიმართვისას განაცხადა.

ზურაბიშვილის თქმით, რჩება როგორც ქვეყნის პრეზიდენტი და პოლიტიკური პროცესის სათავეში იქნება.

„ძალიან მეამაყებით, მეამაყება საქართველო. შედგა ეროვნული თანხმობა მთავარზე, რომ არ შეიძლება, ვინმემ წაართვას საქართველოს დამოუკიდებლობა; რომ არ შეიძლება, ვინმემ დააბრუნოს საქართველო რუსეთში; რომ არ შეიძლება, ვინმემ წაართვას საქართველოს თავისი ნება და თავისი ევროპული მომავალი. შედგა ეს ეროვნული თანხმობა ყველგან, სადაც შეიძლებოდა და ყოველ წუთს ჩანს კიდევ უფრო და უფრო, რომ ძლიერდება ეს ეროვნული თანხმობა. საკმარისია, ვახსენოთ, რომ თუნდაც დღეს დიპლომატიურ კორპუსში, ბიზნესში, ფოთის პორტში და კიდევ სად და სად, ყოველდღიურად ძლიერდება ეროვნული თანხმობა. ეს არის ჩვენი ძალა.

მე მინდა საზოგადოებას ვუთხრა, რომ აქაც, პრეზიდენტთან, რომელიც დღეს არის ერთადერთი დამოუკიდებელი ინსტიტუტი, ერთადერთო ლეგიტიმური ინსტიტუტი, რაც დარჩა ქვეყანაში, აქაც შედგა ეროვნული თანხმობა. ჩემთან, ჩემ ირგვლივ და იმისთვის, რომ თქვენ გემსახუროთ, შეიკრიბება ხვალ საზოგადოება, ერთი მხრივ და პოლიტიკური პარტიები და ერთად ვმართავთ იმ პოლიტიკურ ნაწილს პროცესის, რომელსაც თქვენ მართავთ გარეთ, მართავთ ქუჩაში და მართავთ ყველგან, სადაც ხართ ამ საზოგადოებაში. ჩვენ ერთად გავაკეთებთ საქმეს; ჩვენ ერთად წარმოვადგენთ იმ მომავალს, რომელსაც ძალიან მალე მივაღწევთ ახალი არჩევნებით; ახალი საქართველო, რომელიც დაიბრუნებს თავის ევროპულ გზას, თავის დამოუკიდებლობას და რაც მთავარია, თავის განვითარების თავისუფალ გზას, რომელსაც არავის არ დავუთმობთ. 

ხვალ ჩვენ შევხვდებით კიდევ; ხვალ ჩემთან ერთად იქნებიან ის ადამიანები, რომლებიც მე მოვიწვიე და რომლებთანაც ერთად, ამ პოლიტიკური პროცესის სათავეში ვიქნები იმიტომ, რომ მე ვრჩები, როგორც თქვენი პრეზიდენტი. არ არსებობს ლეგიტიმური პარლამენტი - მაშასადამე, ვერ აირჩევს არალეგიტიმური პარლამენტი ახალ პრეზიდენტს; მაშასადამე, ინაუგურაცია ვერ იქნება და ჩემი მანდატი გრძელდება მანამ, სანამ არ იქნება ლეგიტიმურად არჩეული პარლამენტი, რომელიც ლეგიტიმურად აირჩევს, ვინც უნდა შემცვალოს მე. მაგრამ მე თქვენთან ვარ და ვიქნები!“- განაცხადა საქართველოს პრეზიდენტმა.

შეგახსენებთ, საქართველოს მე-5 პრეზიდენტს, სალომე ზურაბიშვილს უფლებამოსილების ვადა მიმდინარე წლის 16 დეკემბერს ეწურება. 

მე-6 პრეზიდენტობის კანდიდატი კი, მიხეილ ყაველაშვილია. ყაველაშვილის კანდიდატურა 27 ნოემბერს გამართულ ბრიფინგზე „ქართული ოცნების“ საპატიო თავმჯდომარე ბიძინა ივანიშვილმა წარადგინა.

პრეზიდენტის არჩევნები მიმდინარე წლის 14 დეკემბერს, ხოლო ინაუგურაცია 29 დეკემბერს არის დაგეგმილი.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს