რუსთაველის გამზირზე აქციის მონაწილეები შეიკრიბნენ. საავტომობილო მოძრაობა გადაიკეტა. ამასთან, საპროტესტო აქციის მონაწილეები კვლავ აბრახუნებენ რკინის ჯებირებზე, რომლითაც დაკეტილია პარლამენტის წინა შესასვლელი. 

მცირე დაპირისპირებასაც ჰქონდა ადგილი, როგორც აქციის მონაწილეებმა განაცხადეს აქციაზე აღმოაჩინეს სუსის აგენტი, რომელიც მათ ფოტოებს უღებდა. 

პარლამენტის შენობის უკანა შესასვლელთან სპეცდანიშნულების რაზმი იმყოფება. ამავე ლოკაციაზე დგას წყლის ჭავლის მანქანაც.

სპეცდანიშნულების რაზმის გარდა პარლამენტის გვერდით შესასვლელთან, 9 აპრილის ქუჩის მხრიდან, რამდენიმე მწკრივად არის განლაგებული კრიმინალური პოლიცია, ადგილზე იმყოფება საპატრულო პოლიციაც.

მწერალი ირაკლი კაკაბაძე ამბობს,რომ მსგავსი ძალადობა ქართველ ხალხს 9 აპრილსაც კი არ უნახავს. 

საშინელ ღალატს აქვს ადგილი და ეს ადამიანები უნდა წაეთრნენ საქართველოდან. ამათი ადგილი აქ არ არის. მთავარი რაც არის, რაც მათ გუშინ გააკეთეს, ეგ კიდევ ბარბაროსობა არის, რომელიც ისტორიაში არ გვახსოვს. ჟურნალისტებს დაესივნენ, ახალგაზრდებზე ძალა იხმარეს, ეს არის გაუგონარი რამ, რაც ჩვენ 9 აპრილსაც კი არ გვინახავს", -აცხადებს კაკაბაძე.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს