2024-09-18 10:00:39, 600 ნახვა
ომი უკრაინაში
ადმინისტრაცია - რუსეთის ქალაქ ტოროპეცს უკრაინამ დრონებით შეუტია - მიმდინარეობს მოსახლეობის ევაკუაცია
ტვერის ოლქის ქალაქ ტოროპეცში, სადაც დრონებით თავდასხმა იყო, საბრძოლო მასალის საწყობი იწვის. ამის შესახებ ნათქვამია განცხადებაში, რომელსაც ქალაქ ტოროპეცის მუნიციპალიტეტის ადმინისტრაცია ავრცელებს.
ადმინისტრაციის ცნობით, მოსახლეობის ევაკუაცია მეზობელ ქალაქ დვინაში მიმდინარეობს - დახურულია სკოლები და საბავშვო ბაღები.
"ძვირფასო ტოროპეცელებო, ქალაქში ნაწილობრივ ორგანიზებული ევაკუაცია მიმდინარეობს. სიტუაცია კონტროლს ექვემდებარება. რაიონის გამგეობა მოსახლეობას მოუწოდებს, საერთო უსაფრთხოების მიზნით, არ გამოაქვეყნონ კადრები უპილოტო თვითმფრინავის ჩამოვარდნის ადგილიდან“,- ნათქვამია ადმინისტრაციის განცხადებაში.
ავტორი: ექსპრესნიუსი,
epn.ge (@expressnews.ge)
