2024-08-26 14:30:00, 437 ნახვა
მსოფლიო
ლონდონის აღმოსავლეთ ნაწილში, საცხოვრებელ კომპლექსში ძლიერი ხანძარია
ლონდონის აღმოსავლეთ ნაწილში მდებარე ერთ-ერთ საცხოვრებელ კომპლექსში ძლიერი ხანძარია. ამის შესახებ ინფორმაციას BBC ავრცელებს.
მედიის ცნობით, ხანძრის შედეგად ოთხი ადამიანი დაშავდა, მათგან ორი ჰოსპიტალიზებულია.
ადგილზე მობილიზებულია 225 მეხანძრე და 40 ეკიპაჟი.
"ცეცხლის გაჩენის მიზეზი ამ დროისთვის უცნობია.
შენობაში მყოფებმა, დაკვამლიანება მალევე შენიშნეს და ტერიტორიიდან 100-ზე მეტი ადამიანის დროული ევაკუაცია განხორციელდა. ისინი დროებით მოწყობილ თავშესაფარში არიან გადაყვანილი",- ნათქვამია ინფორმაციაში.
ავტორი: ექსპრესნიუსი,
epn.ge (@expressnews.ge)
