2024-08-16 14:17:59, 509 ნახვა
მსოფლიო
ლუკაშენკო - ბელარუსმა უკრაინის საზღვარზე კონტროლი გაამკაცრა და იქ სამხედრო დანაყოფები განათავსა
ბელარუსმა უკრაინის საზღვარზე კონტროლი გაამკაცრა და იქ სამხედრო დანაყოფები განათავსა, - ამის შესახებ ბელარუსის პრეზიდენტმა, ალექსანდრ ლუკაშენკომ სამხედრო უსაფრთხოების საკითხებთან დაკავშირებით გამართულ თათბირზე განაცხადა.
ლუკაშენკოს თქმით, ბელარუსი მზად არის, წინააღმდეგობა გაუწიოს ნებისმიერ საფრთხეს, რომელიც მის წინაშე არსებობს.
„ამ უპილოტო საფრენ აპარატებთან დაკავშირებული მოვლენების შემდეგ, ჩვენ ბელარუსისა და უკრაინის საზღვარზე კონტროლი გავაძლიერეთ. მეტიც, ჩვენ იქ ჩვენი არმიის დანაყოფები გავიყვანეთ“, - განაცხადა ბელარუსის პრეზიდენტმა.
შეგახსენებთ, 10 აგვისტოს, ბელარუსის პრეზიდენტმა, ალექსანდრ ლუკაშენკომ გაავრცელა ინფორმაცია, რომ ბელარუსის საჰაერო სივრცე უკრაინულმა დრონებმა დაარღვიეს.
ავტორი: ექსპრესნიუსი,
epn.ge (@expressnews.ge)
