იუსტიციის სამინისტროს სსიპ „დანაშაულის პრევენციის ცენტრი“ ახალგაზრდული პროგრამების ფარგლებში ახალ პროექტს - „მოხალისე ტრენერები დანაშაულის პრევენციისთვის“ იწყებს.

ცენტრის ინფორმაციით, პროექტის მონაწილე ტრენერებთან შეხვედრა თბილისის იუსტიციის სახლში 19 თებერვალს, 11:00 საათზე გაიმართება.

მოხალისეები აქტივობებს დაგეგმავენ და განახორციელებენ ქვეყნის მასშტაბით როგორც  იუსტიციის სახლებსა და საზოგადოებრივ ცენტრებში, ისე საჯარო სკოლებში. 200-ზე მეტი აპლიკანტისგან შეირჩა 80 ტრენერი.

პროექტის მიზანია 14 - დან 18 წლამდე მოზარდებში არაფორმალური განათლების მიღების გზით დანაშაულის ადრეული პრევენცია, სამოქალაქო და სამართლებრივი ცნობიერების ამაღლება, ჯანსაღი ცხოვრების წესის პოპულარიზაცია, მოხალისეობრივი კულტურის განვითარების ხელშეწყობა, თავისუფალი დროის სწორად წარმართვა. პროექტის ფარგლებში, კონკურსის წესით შერჩეული ტრენერები ახალგაზრდებისთვის განსაზღვრულ თემებზე ჩაატარებენ სხვადასხვა ტიპის აქტივობებს - ლექცია/სემინარებს, ინტერაქტიულ ტრენინგებს, სიმულაცია/მოდელირებებს. ტრენინგების თემატიკებია  სამართალი, ფსიქოლოგია, კრიმინოლოგია, მენეჯმენტი/მარკეტინგი, მოხალისეობა, ჯანსაღი ცხოვრების წესი და სხვა.

იუსტიციის სამინისტროს სსიპ „დანაშაულის პრევენციის ცენტრის“ ერთ-ერთი მიმართულებაა ახალგაზრდებში სამართლებრივი და სამოქალაქო ცნობიერების ამაღლება, მოხალისეობრივი კულტურის განვითარების ხელშეწყობა, არაფორმალური განათლების საშუალებით დანაშაულის პრევენცია.

მისამართი: სანაპიროს ქ. 2, თბილისის იუსტიციის სახლი, III სართული.

საკონტაქტო პირი: ეკა ბურჭულაძე, 599 729226

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია