გარემოსა და ბუნებრივი რესურსების დაცვის მინისტრმა, გიგლა აგულაშვილმა გარეულ ცხოველთა თავდასხმისას მათი რაოდენობის რეგულირების საკითხები სამონადირეო და არასამთავრობო ორგანიზაციების წარმომადგენლებთან განიხილა.

როგორც „ექსპრესნიუსს“ გარემოსა და ბუნებრივი რესურსების დაცვის სამინისტროდან აცნობეს, გარეული ცხოველების, განსაკუთრებით ტურისა და მგლის მომრავლების შედეგად, მოსახლეობისათვის საფრთხის თავიდან აცილების მიზნით,მინისტრი არასამთავრობო ორგანიზაციების მიერ წარმოდგენილ კონფლიქტის ეფექტურად რეგულირების წინადადებებს გაეცნოდა სამომავლოდ ქმედითი ღონისძიებების გატარებაზე იმსჯელეს.

მათივე ინფორმაციით, მოქმედი კანონმდებლობით თუ გარეული ცხოველი საფრთხეს უქმნის ადამიანთა ჯანმრთელობასა და სიცოცხლეს, ზიანს აყენებს მათ ქონებას, საფრთხის თავიდან აცილების მიზნით, დაშვებულია გარეული ცხოველის ლიკვიდაცია, რაც არ საჭიროებს გარემოსა და ბუნებრივი რესურსების დაცვის სამინისტროს წინასწარ თანხმობას. ხოლო იმ შემთხვევაში, თუ გარეული ცხოველის გარემოდან ამოღება ვერ განხორციელდა თავდასხმის მომენტში, გადაწყვეტილება რეგულირების განხორციელების შესახებ მიიღება გარემოსა და ბუნებრივი რესურსების დაცვისსამინისტროს მიერ, კერძოდ კი მოსახლეობის მოთხოვნის შედეგად, ადგილობრივი თვითმმართველობის ორგანოები ხელშეკრულებას აფორმებენ სამინისტროსთან,  ხელშეკრულებით უფლებამოსილების დელეგირების შესახებ გადაწყვეტილებას კი იღებს საქართველოს მთავრობა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია