2024-06-07 20:12:35, 427 ნახვა
საზოგადოება
აქტივისტ ნიკო მანაგაძეს თავს დაესხნენ
მოძრაობა "თავისუფლებისთვის" აქტივისტ ნიკო მანაგაძეს ფიზიკურად გაუსწორდნენ.
შემთხვევა ივანე ჯავახიშვილის სახელობის თბილისის სახელმწიფო უნივერსიტეტის პირველ კორპუსთან მოხდა, მაშინ, როდესაც ის ლექციიდან გამოდიოდა.
"გამოვდიოდი თსუ-ს პირველი კორპუსის ეზოდან და ამ დროს ზებრასთან ვიდექი და აქ შეგვხვდნენ, გზაზე გადმოვდიოდი, ავტობუსის გაჩერებისკენ მივდიოდი და უკნიდან ვიგრძენი რაღაცნაირად ჩარტყმა. არც დამინახავს, შევბრუნდი და მერე მეც შევუბრუნე ხელი. ჩანთა დაუვარდა და ის ჩანთაც ავიღე და ასე ვცდილობდი თავდაცვას. მერე მოვიდა მეორე, მესამე, მე უკვე ალყაში ვიყავი, არც მახსოვს, რამდენნი იყვნენ... მინიმუმ სამი იყო, რაც დავინახე, შეიძლება ოთხიც... სახეზეც კი არ მახსოვს ეგ ხალხი", - განაცხადა ნიკო მანაგაძემ.
ავტორი: ექსპრესნიუსი,
epn.ge (@expressnews.ge)
