2024-06-05 11:53:43, 297 ნახვა
საზოგადოება
შემოსავლების სამსახური - ხის მასალით დატვირთული ავტოსატრანსპორტო საშუალება ექსპორტიორ ქვეყანაში გაბრუნებას დაექვემდებარა
ფინანსთა სამინისტროს შემოსავლების სამსახურის საბაჟო გამშვები პუნქტის „ფოთისა და ყულევის პორტები და ფოთის თავისუფალი ინდუსტრიული ზონა“ გავლით, უცხო ქვეყნიდან მომავალი ხის მასალით დატვირთული ავტოსატრანსპორტო საშუალება იქნა შეჩერებული. ამის შესახებ ინორმაციას შემოსავლების სამსახური ავრცელებს.
შემოსავლების სამსახურის ცნობით, სამასასაზღვრო-საკარანტინო კონტროლის პროცედურების განხორციელებისას, 18მ3 ხის მასალაზე, დიდი რაოდენობით მავნე ორგანიზმების და მათ მიერ გამოწვეული დაზიანებების არსებობა გამოვლინდა.
მათივე ინფორმაციით, საქართველოს მთავრობის 2019 წლის 20 სექტემბრის №463 დადგენილების შესაბამისად, აღნიშნული საქონელი ექსპორტიორ ქვეყანაში გაბრუნებას დაექვემდებარა.
ავტორი: NS (სტატია დაფინანსებულია),
epn.ge (@expressnews.ge)
