2024-05-30 10:24:46, 619 ნახვა
ომი უკრაინაში
უკრაინის საჰაერო ძალების ცნობით, რუსეთის მიერ გაშვებული 7 რაკეტა და 32 დრონი გაანადგურეს
უკრაინის საჰაერო ძალების განცხადებით, რუსეთმა უკრაინის სამხედრო ობიექტებსა და კრიტიკულ ინფრასტრუქტურაზე მასიური თავდასხმა განახორციელა.
საჰაერო ძალების ცნობით, ხუთშაბათს ღამით რუსეთმა უკრაინას შეუტია 11 Kh-101/Kh-555-ის ტიპის საკრუიზო რაკეტებით, რომლებიც გაშვებული იქნა "ტუ-95"-ის ტიპის სტრატეგიული ბომბდამშენებიდან და ასევე, თავდასხმა განხორციელდა 32 "შაჰიდის" დრონით.
უკრაინის საჰაერო ძალების ინფორმაციით, მათ X-101/X-555-ის ტიპის 7 რაკეტა და 32-ვე დრონი ჩამოაგდეს ხმელნიცკის, დნეპროპეტროვსკის, ჩერკასის, კიროვოგრადის, ზაპოროჟიეს, ოდესის, ხერსონის, კიევის და ვინიცის რეგიონებში.
ავტორი: ექსპრესნიუსი,
epn.ge (@expressnews.ge)
